Border News Agency
မူဆယ်၊ ဩဂုတ် ၂၂။
ရှမ်းပြည်မြောက်ပိုင်း၊မူဆယ်မြို့နဲ့ မန္တလေးတိုင်းဒေသကြီး ပြင်ဦးလွင်မြို့နယ်မှာ စုစုပေါင်း ကာလတန်ဖိုးငွေကျပ်သိန်းငါးရာကျော်တန်ဖိုးရှိ စိတ်ကြွဆေးပြားသုံးသောင်းလေးထောင်ပြားဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က သြဂုတ်လ ၂၂ ရက်၊ဒီနေ့ထုတ်ပြန်ပါတယ်။
အဲဒီမူဆယ်မြို့၊ဟိုမွန်ရပ်ကွက်၊မြို့ရှောင်လမ်းမှာ မင်းရှုကိုင်းမောင်းနှင်လာတဲ့ TOYOTA MARK II မော်တော်ယာဉ်ပေါ်မှ ဒေသကာလတန်ဖိုးငွေကျပ်သိန်းတရာ့ရှစ်ဆယ်တန်ဖိုးရှိ စိတ်ကြွဆေးပြားတသောင်းရှစ်ထောင်ပြားနဲ့ လက်ကိုင်ဖုန်းတလုံးကိုရှာဖွေသိမ်းဆည်းရမိခဲ့တာဖြစ်ပါတယ်။
အဲဒီအပြင်ပြင်ဦးလွင်မြို့နယ်၊ပင်လိန်ကျေးရွာအနီးမှာ သြဂုတ်လ ၂၀ ရက်နေ့က သန့်ဇင်ဦးမောင်းနှင်လာတဲ့ မော်တော်ဆိုင်ကယ်အတွင်းမှ ဒေသကာလတန်ဖိုး ငွေကျပ်သိန်းသုံးရာနှစ်ဆယ်တန်ဖိုးရှိ စိတ်ကြွဆေးပြားတသောင်းခြောက်ထောင်ပြားကို ဖမ်းဆီးရမိခဲ့ပါတယ်။
နောက်ပြီးမူးယစ်ဆေးဝါးရောင်းချသူဇေယျာလင်းကို ဩဂုတ်လ ၂၁ ရက်၊မနက်ပိုင်းမှာ ပြင်ဦးလွင်မြို့နယ်၊ညောင်ပင်သာကျေးရွာအနီး မော်တော်ဆိုင်ကယ်တစီး၊လက်ကိုင်ဖုန်းတလုံးနဲ့အတူ ထပ်မံဖမ်းဆီးရမိခဲ့တာဖြစ်ပါတယ်။
အဲဒီဖမ်းဆီးရမိသူ မင်းရှုကိုင်း၊သန့်ဇင်ဦးနဲ့ဇေယျာလင်းကို သက်ဆိုင်ရာမူဆယ်မြို့မရဲစခန်းနဲ့ ပိတ်ချင်းမြောင်နယ်မြေရဲစခန်းမှာ မူးယစ်ဆေးဝါးနဲ့စိတ်ကိုပြောင်းလဲစေတဲ့ ဆေးဝါးဆိုင်ရာဥပဒေအရ အမှုဖွင့် အရေးယူထားတယ်လို့ဆိုပါတယ်။
