Border News Agency
မင်းတပ်၊ ဩဂုတ် ၃၁။
ချင်းပြည်၊မင်းတပ်မြို့အနီးရှိ စစ်ဘေးရှောင်တွေနေတဲ့ကျေးရွာတရွာကို ဩဂုတ်လ၃၀ ရက်၊ညနေပိုင်းမှာအာဏာသိမ်းစစ်တပ်လေကြောင်းတိုက်ခိုက်ခဲ့တာကြောင့် ကလေးငယ်တွေအပါအဝင် အရပ်သားရှစ်ဦးသေဆုံးခဲ့ပါတယ်။
အဲဒီကျေးရွာအတွင်းရှိနေရာနှစ်ခုကို တံတားဦးလေတပ်မှတက်လာတဲ့ အာဏာသိမ်းစစ်တပ်ရဲ့ တိုက်လေယာဥ်နှစ်စီးဟာ ရွယ်ရည်ချက်ရှိရှိပေါင် ၅၀၀ ဗုံးလေးလုံးနဲ့ တိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့် အမျိုးသားလေးဦးနဲ့အမျိုးသမီးလေးဦး စုစုပေါင်း အရပ်သားရှစ်ဦးသေဆုံးခဲ့ပါတယ်။
အဲဒီသေဆုံးသူတွေထဲမှာ KG တန်းနဲ့ကိုးတန်းတက်နေတဲ့ ကလေးငယ်တွေအပြင် သက်ကြီးပိုင်းအဘိုးအဘွားတွေလည်းပါဝင်ပါတယ်။
အဲဒီအပြင်အရပ်သားဆယ်ဦးဒဏ်ရာရသွားခဲ့သလို ပြည်သူ့နေအိမ်နှစ်ဆယ်လုံးပျက်စီးသွားခဲ့ပြီး တချို့အိမ်တွေမှာမီးလောင်ပြာကျသွားခဲ့ပါတယ်။
အာဏာသိမ်းစစ်တပ်ဟာ တော်လှန်ရေးတပ်တွေထိန်းချုပ်နယ်မြေတွေကို လေကြောင်းတိုက်ခိုက်တာတွေ နေ့စဥ်ပြုလုပ်နေတာမို့ အရပ်သားတွေ သေဆုံး၊ ဒဏ်ရာရနေကြပါတယ်။
