Border News Agency
ထိုင်း၊ ဩဂုတ် ၃၁။
ထိုင်းနိုင်ငံ၊လဝေခရိုင် (Loei)၊ပါ့ခ်ချွန်မြို့နယ်ရှိ မဲခေါင်မြစ်ကမ်းဘေးမှာ တရားမဝင်နယ်စပ်ဖြတ်ကျော်ဝင်ရောက်လာတဲ့ တရုတ်နိုင်ငံသားနှစ်ဦးကို ထိုင်းအမှတ် ၂၁၀၄ အထူးကြေးစားတပ်ဖွဲ့ကဖမ်းဆီးရမိခဲ့ပါတယ်။
အဲဒီမဲခေါင်မြစ်ကမ်းဘေးမှာ ဩဂုတ်လ ၃၁ ရက်၊ဒီနေ့ညသန်းခေါင်ယံချိန်က နယ်ခြားစောင့်တပ်ဖွဲ့ဟာ သတင်းအရစောင့်ဆိုင်းစစ်ဆေးချိန် လာအိုနိုင်ငံဘက်မှ စက်လှေတစီးနဲ့ ထိုင်းနိုင်ငံဘက်သို့ ကူးခတ်လာတဲ့ အမျိုးသားလေးဦးကိုတွေ့ရှိခဲ့တာဖြစ်ပါတယ်။
ထိုင်းတာဝန်ရှိသူတွေစစ်ဆေးဖို့ လုပ်ချိန်သန်းခေါင်ယံအမှောင်ထုကိုအခွင့်ကောင်းယူပြီး ထွက်ပြေးဖို့ကြိုးစားခဲ့ကြပေမယ့် တရုတ်နိုင်ငံသားနှစ်ဦးကိုပစ္စည်းတွေနဲ့အတူ ဖမ်းဆီးနိုင်ခဲ့တာပါ။
အဲဒီဖမ်းဆီးရမိထားတဲ့ တရုတ်နိုင်ငံသားနှစ်ဦးကို သက်ဆိုင်ရာဌာနတွေနဲ့ပူးပေါင်းစစ်ဆေးကာ ဥပဒေအရ ဆက်လက်အရေးယူနိုင်ရေးအတွက် ပါ့ခ်ချွန်ရဲစခန်းသို့ လွှဲပြောင်းထားပါတယ်။
