Border News Agency
ပလက်ဝ၊စက်တင်ဘာ ၁၃။
အာရက္ခတပ်တော်(AA)ထိန်းချုပ်ထားတဲ့ ပလက်ဝခရိုင်၊ဆမီးမြို့နယ်ရှိ ဘွေလီကျေးရွာပတ်ဝန်းကျင်ကို အာဏာသိမ်းစစ်တပ်လေကြောင်းတိုက်ခိုက်ခဲ့တာကြောင့် ပြည်သူပိုင်ပစ္စည်းအချို့ထိခိုက်ပျက်စီးသွားခဲ့ပါတယ်။
အဲဒီမတူပီမြို့နယ် အရှေ့တောင်ဘက်ကနေပျံသန်းလာတဲ့ အာဏာသိမ်းစစ်တပ်ရဲ့ တိုက်လေယာဥ်တစီးဟာ စက်တင်ဘာလ ၁၂ ရက်၊ ညနေ ၄ နာရီ ၁၅ မိနစ်အချိန်ခန့်မှာ ဘွေလီကျေးရွာအနီးကို ပေါင်သုံးရာဗုံးတလုံး၊ရော့ကတ်သီးတွေနဲ့တိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့်ကျေးရွာအတွင်းရှိ ကုန်စုံဆိုင်နဲ့ထမင်းဆိုင်တဆိုင်၊ မော်တော်ယာဉ်တစီးနဲ့ Mini Starlink တစုံတို့ ပျက်စီးခဲ့ရသလို မွေးမြူထားတဲ့ ကြက်ခြောက်ကောင်လည်း သေဆုံးခဲ့ပါတယ်။
ပြီးခဲ့တဲ့ဩဂုတ်လကုန်ပိုင်းကလည်း ပလက်ဝမြို့နယ်အတွင်းက စိမ်းညင်းဝ၊ ရွှေလက်ဝနဲ့မီးဇာကျေးရွာတွေကို အာဏာသိမ်းစစ်တပ်က လေကြောင်းကနေဆက်တိုက် ဗုံးကြဲတိုက်ခိုက်ခဲ့တာပါ။
အဲဲဒီတိုက်ခိုက်မှုတွေကြောင့် ကလေးသူငယ်တွေ၊စစ်သင်တန်းသားတွေနဲ့ အရပ်သားပြည်သူတဆယ့်နှစ်ဦးထက်မနည်းသေဆုံးခဲ့ရပြီး နှစ်ဆယ့်ဦးထက်မနည်း ဒဏ်ရာရသွားခဲ့ကြပါတယ်။
အာဏာသိမ်းစစ်တပ်ဟာ အရက္ခတပ်တော်ထိန်းချုပ်နယ်မြေတွေရှိ အရပ်သားတွေနေထိုင်တဲ့နေရာတွေကို လေကြောင်း၊လက်နက်ကြီးတွေနဲ့ ရွယ်ရည်ချက်ရှိရှိပစ်ခတ်တိုက်ခိုက်နေတာကြောင့် အရပ်သားတွေသေဆုံး၊ဒဏ်ရာရနေကြရပါတယ်။
အဲဒါကြောင့် ပြည်သူတွေအနေနဲ့ အာဏာသိမ်းစစ်တပ်ရဲ့ လေကြောင်းနဲ့ရေကြောင်းအန္တရာယ်ကိုသတိထားကြဖို့ အာရက္ခတပ်တော်ကထပ်ပြီးအသိပေးထားပါတယ်။
