Border News Agency
မောင်တော၊ နိုဝင်ဘာ ၉။
ဘင်္ဂလားဒေ့ရှ်ဝန်ကြီးချုပ်ဟောင်း ရှိခ်ဟာစီနာ(Sheikh Hasina)ဟာနိုင်ငံတွင်းသို့ ပြန်ဝင်ရောက်နိုင်ဖို့အတွက် နိုင်ငံကူးလက်မှတ်သစ် လျှောက်ထားခဲ့တယ်လို့ နိုင်ငံတကာသတင်းတွေမှာဖော်ပြပါတယ်။
နယူးဒေလီမြို့ရှိဘင်္ဂလားဒေ့ရှ် သံရုံးဆီ နိုင်ငံကူးလက်မှတ်နဲ့အမျိုးသားမှတ်ပုံ တင်ကဒ်ပြားသစ်ထုတ်ပေးဖို့ လျှောက် ထားခဲ့တာဖြစ်ပြီး သူ့ရဲ့မူလ ပတ်စပို့နဲ့မှတ်ပုံတင်တွေကို ကြားဖြတ်အစိုးရက ပယ်ဖျက်ထားခဲ့တာပါ။
လန်ဒန်အခြေစိုက် Matrix Chambers မှ ရှေ့နေတွေကက ရှိခ်ဟာစီနာရဲ့ နိုင်ငံသားအခွင့်အရေးနဲ့ နိုင်ငံတကာ လူ့အခွင့်အရေး ဥပဒေတွေအရ အရေးပေါ် ဆောင်ရွက်ပေးဖို့ သံရုံးဆီတောင်းဆိုထားကြောင်း ရိုက်တာသတင်းတွင် ဖော်ပြထားပါတယ်။
ရှိခ်ဟာစီနာဟာ နှစ်ထောင်နှစ်ဆယ့်လေး ခုနှစ်၊ ဩဂုတ်လအတွင်း ကျောင်းသားထု အကဲလှုပ်ရှားမှုနဲ့အတူ ဘင်္ဂလားဒေ့ရှ်နိုင်ငံမှ ထွက်ပြေးခဲ့ရပြီး အိန္ဒိယနိုင်ငံမှာခိုလှုံနေထိုင်ခဲ့ကာ ပြန်ဝင်ရောက်တရားရင်ဆိုင်ဖို့ ဆန္ဒရှိနေတာပါ။
ဒါပေမယ့် ဘင်္ဂလားဒေ့ရှ် နိုင်ငံတကာ ရာဇဝတ်ခုံရုံးက ရှိခ်ဟာစီနာကို ပြစ်ဒဏ်စီရင်ထားပြီးဖြစ်တာကြောင့် ကြားဖြတ်အစိုးရက သူ့ကိုနိုင်ငံကူးလက်မှတ်ထုတ်ပေးဖို့ အစီအစဉ်မရှိဘဲ တရားခံပြေးအဖြစ် အိန္ဒိယမှ ပြန်လွှဲယူဖို့ ဆောင်ရွက်နေပါတယ်။
