Border News Agency
ပုဏ္ဏားကျွန်း၊ ဇွန် ၃၀။
အာရက္ခပြည်သူ့တော်လှန်ရေးအစိုးရပြဋ္ဌားထားတဲ့ အမျိုးသားကာကွယ်ရေးဆိုင်ရာအရေးပေါ်ပြဋ္ဌာန်းချက် (National Defense Emergency Provision (NDEP)ကို အကောင်အထ ည်ဖော်နေတယ်လို့ ပြည်သူတွေက ဆိုကြပါတယ်။
အဲဒီပြဋ္ဌားန်းချက်ကို အာရက္ခအစိုးရရဲ့နိုင်ငံရေးမှူး၊နယ်မြေမှူးတွေဦးဆောင်ပြီး စစ်မှုထမ်းဆောင်မယ့်သူတွေကို မဲ နှိုက်ခေါ်ယူနေတယ်လို့ ပြည်သူတွေက ဆိုကြပါတယ်။
“မနေ့က ကျွန်တော်တို့ရွာမှာ အေအေကအစည်းအဝေးခေါ်တယ်။စစ်မှုထမ်းဆောင်ဖို့ ရွာကလူလေးယောက်လိုတ ယ်လို့ပြောတယ်။အဲဒါက တမြို့နယ်လုံးမှာ ရွာကြီးရင်ကြီးသလောက် ခေါ်ယူတဲ့ပမာဏကမတူဘူး။စစ်မှုထမ်းဖို့က ဘယ်သူမှမလိုက်ချင်ကြဘူး။သူ့သားခေါ်။ငါ့သားသမီးမခေါ်နဲ့ဆိုပြီးတော့ ရွာမှာ ဆူနေကြတယ်။နောက်တော့ အားလုံးသဘောအရ မဲနှိုက်ရွေးယူဖို့ဖြစ်သွားတယ်။” လို့ ပုဏ္ဏားကျွန်းဒေသခံဦးက Border News Agency ကို ပြောပါတယ်။
အဲဒီလိုခေါ်ယူနေတာဟာ မိမိရပ်ရွာ၊ဒေ သအတွက် အမျိုးသားကာကွယ်ရေးတာဝန်တွေကို ထမ်းဆောင်ဖို့အတွက်ဖြစ်တယ်လို့ ဆိုပါတယ်။
အဲဒီအပြင် အာရက္ခတိုင်းပြည်ရဲ့အချုပ်အခြာအာဏာ၊ နယ်မြေတည်တံ့ခိုင်မြဲရေးကို ထိန်းသိမ်းကာကွယ်ဖို့၊ပြည်တွ င်းပြည်ပအန္တရာယ်အရပ်ရပ်ကို ကာကွ ယ်တားဆီးရေးအတွက်ဖြစ်တယ်လို့ ဆိုပါတယ်။
အဲဒါကြောင့် အာရက္ခဒေသနေ လူမျိုးဘာသာတိုင်း စည်းလုံးချစ်ခင်စွာပါဝင်တဲ့ အမျိုးသားကာကွယ်ရေးစနစ်ကို ထူထောင်ဖို့အတွက် အာရက္ခနိုင်ငံသားတိုင်းတူညီတဲ့တာဝန်၊အခွင့်အရေးတွေခံစားရရှိစေမှာဖြစ်တယ်လို့ ဆိုပါတယ်။
အဲဒီအမျိုးသားကာကွယ်ရေးဆိုင်ရာအ ရေးပေါ်ပြဋ္ဌာန်းချက်ကို ပြီးခဲ့တဲ့မတ်လ ၁၈ ရက်နေ့ကပြဋ္ဌားန်းခဲ့တယ်လို့ မေလ ၂၂ ရက်နေ့ ထုတ်ပြန်ခဲ့ပါတယ်။
အဲဒါကြောင့်အသက် ၁၈ နှစ်မှ ၄၅ နှစ်ထိ အမျိုးသားတွေ၊ အသက် ၁၈ နှစ်မှ ၂၅ နှစ်ထိ အမျိုးသမီးတွေကို မဲစနစ်နဲ့ခေါ်ယူနေတာလို့ ပြည်သူတွေက ဆိုကြပါတယ်။
“ရွာတွေမှာ စစ်မှုထမ်းဖို့ခေါ်တော့ ဘယ်သူမှမလိုက်ချင်ကြဘူးလေ။ကျေးရွာ အုပ်စုအလိုက် တရွာကတယောက်ခေါ်တာတွေလည်းရှိတယ်။ ဘယ်သူမှမလို က်ချင်ကြဘူး။ ငြင်းကြသူတွေများတ ယ်။ ဒါကြောင့် မဲနှိုက်ရတာပါ။ ဒါက အ ရေးပေါ်အမျိုးသားကာကွယ်ရေးဆိုင် ရာပြဋ္ဌာန်းချက်ဆိုပေမယ့် အိမ်မှာက အဆင်မပြေကြဘူးလေ။ အားလုံးသိကြတဲ့အတိုင်း အခုက ခက်ခဲနေကြတာ။စစ်မှုထမ်းလိုက်သွားရင် မိသားစုတွေကိုဘယ်သူလုပ်ကျွေးမလဲ။ထောက်ပံမယ့်သူတွေမရှိတော့ဘူး။မိသားစုကို အ ငတ်ဘေးထဲမှာ ထားခဲ့ပြီး ဘယ်သူက စစ်မှုထမ်းချင်ပါ့မလဲ။တမိသားစုလုံးအလုပ်လုပ်ရင်တောင် စားဝတ်နေရေးကို မဖြေရှင်းနိုင်တာ။ အဲဒါကြောင့် အ များအားဖြင့်တော့ ဘယ်သူမှစစ်မှုမထမ်းချင်ကြပါဘူး။” လို့ ကျောက်တော်ဒေသခံတဦးက Border News Agency ကိုပြောပါတယ်။
အဲဒီလိုပြဋ္ဌားန်းထားပေမယ့်အိမ်ထောင်မရှိသေးသူတွေကိုသာ အဓိကခေါ်ယူနေပြီးအိမ်ထောင်ရှိသူတွေ မပါဝင်ကြသေးဘူးလို့ အာရက္ခပြည်သူ့တော်လှန်ရေးအစိုးရတာဝန်ရှိသူတချို့က ဆိုကြပါတယ်။
အဲဒီစစ်မှုထမ်းရွေးချယ်ခံရသူတွေဟာ ၄၅ ရက်သင်တန်းတက်ရောက်ပြီး နှစ်နှစ်စစ်မှုထမ်းကြရမှာဖြစ်ပေမယ့်ဆက်လက်တာဝန်ထမ်းဆောင်ရင်လည်းရသလို အာရက္ခပြည်သူ့တော်လှန်ရေးအစိုး ရရဲ့ဌာနတွေမှာဝင်ရောက်တာဝန်ထမ်းဆောင်ချင်ရင်လည်း ရတယ်လို့ ဆိုကြပါတယ်။
“မနှစ်က ၄၅ ရက်စစ်မှုထမ်းရမယ်ဆိုပြီး ခေါ်သွားတဲ့သူတွေ ခုထိရောက်လာတာမရှိဘူး။အသက်၊ချွေးနဲ့သွေးတွေကိုရင်းပြီး တိုက်နေတဲ့တပ်တော်သားတွေကိုလည်းလေးစားပါတယ်။သူတို့တွေလိုလည်းသတ္တိမရှိပါဘူး။မဖြစ်မနေစစ်မှုထမ်းရမယ်ဆိုထမ်းမယ်။ ဒါပေမယ့် ၄၅ရက်ဆို ၄၅ ရက်ပြည့်တာနဲ့ အိမ်ပြန်လာခွင့်ပေးစေချင်တယ်။စစ်မှုထမ်းကာလပြည့်ပေမယ့် အိမ်ပြန်မရောက် လာကြသူတွေများလို့ စစ်မှုမထမ်းချင်သူတွေများနေတာ။” လို့ အာရက္ခပြည်သူတဦးက Border News Agency ကိုပြောပါတယ်။
အာရက္ခအဆုံးအဖြစ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင်တဆယ့်ငါးမြို့နယ်ကို အပြီးသတ်သိမ်းပိုက်ထားပြီး စစ်တွေ၊ ကျောက်ဖြူ၊ မာန်အောင်သုံးမြို့နယ်ကိုသာ တိုက်ခိုက်သိမ်းပိုက်ဖို့ ကျန်နေပါတယ်။
အာရက္ခတပ်တော်ထိန်းချုပ်နယ်မြေအားလုံးကို ခရိုင်ရှစ်ခုဖွဲ့ပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပါတယ်။
