Border News Agency
မြောက်ဦး၊ စက်တင်ဘာ ၆။
အာရက္ခတပ်တော်ထိန်းချုပ်ထားတဲ့မြောက်ဦးမြို့၊ ဒိုင်းကျီရပ်ကွက်ကို ဩ ဂုတ်လ ၂၅ ရက်နေ့ညက စစ်ကော်မရှင်တပ်လေကြောင်းတိုက်ခိုက်ခဲ့ရာမှာ ဒ ဏ်ရာရသူတွေထဲထပ်မံတဦးသေဆုံးသွားတယ်လို့ မြို့ခံတွေကဆိုကြပါတယ်။
စစ်ကော်မရှင်တပ်ဟာဩဂုတ်လ ၂၅ ရက်ည ၁၁ နာရီအချိန်က ဒိုင်းကျီရပ် ကွက်ကိုပေါင် ၅၀၀ ဗုံးနှစ်လုံးနဲ့တိုက်ခို က်ခဲ့လို့ အရပ်သားဆယ့်နှစ်ဦးသေဆုံးပြီး အများအပြားဒဏ်ရာရခဲ့ပါတယ်။
အဲဒီအရေးပေါ်ဆေးကုသမှုခံယူနေရသူတွေထဲက အမျိုးသမီးတဦးထပ်မံသေ ဆုံးသွားခဲ့တာပါ။
မြောက်ဦးမြို့၊ဒိုင်းကျီရပ်ကွက်မှ အသက်သုံးဆယ်အရွယ်ဒေါ် ခင်အေးရီမှာလေကြောင်းတိုက်ခိုက်ခံရတဲ့နေ့က ဦးခေါင်းမှာ ဒဏ်ရာပြင်းပြင်းထန်ထန်ရသွားခဲ့လို့ အရေးပေါ်ဆေးကုသမှုခံယူနေရတာပါ။
အဲဒီလိုဆေးကုသမှုခံယူရင်းနှစ်ပတ်နီးပါး အကြာ စက်တင်ဘာလ ၆ ရက်၊ဒီနေ့ နေ့လည် ၂နာရီအချိန်မှာ သေဆုံးသွားတာပါ။
အဲဒီဒဏ်ရာရသူတွေဟာ အရေးပေါ်ဆေးကုသမှုခံယူနေရပြီး ပြီးခဲ့တဲ့သြဂုတ်လ ၂၆ ရက်နေ့ကလည်း အသက်ခုနှစ်နှစ်အရွယ်ကလေးတဦးနဲ့ အသက်သုံးဆယ်နှစ်နှစ်အရွယ်အမျိုးသမီးတဦးသေဆုံးသွားခဲ့ပါတယ်။
အာရက္ခတပ်တော်ထိန်းချုပ်နယ်မြေတွေကို စစ်ကော်မရှင်တပ်က ဒရုန်းတွေ၊လေယာဥ်တွေနဲ့ဝေဟင်ကင်း ထောက်တာတွေနေ့စဥ်ပြုလုပ်နေပါတယ်။
အဲဒီအပြင် ဒရုန်းတွေ၊လက်နက်ကြီးတွေ၊စစ်သင်္ဘောကြီးတွေ၊တိုက်လေယာဥ်တွေနဲ့ ပစ်ခတ်တိုက်ခိုက်တာတွေမကြာခဏပြုလုပ်နေပါတာကြောင့် အရပ်သားသေဆုံး၊ဒဏ်ရာရတာတွေရှိနေပါတယ်။
အဲဒါကြောင့်အရပ်သားပြည်သူတွေကို ရည်ရွယ်ချက်ရှိရှိပစ်မှတ်ထားတိုက်ခိုက်နေတာတွေကိုနိုင်ငံတကာအသိုင်း အဝိုင်းက အကာအကွယ်ပေးကြဖို့ ပြည်သူတွေ တောင်းဆိုနေကြပါတယ်။
