Border News Agency
လေးမြို့၊ ဖေဖော်ဝါရီ ၂၁။
လေးမြို့ချောင်းဒေသမှာ ကျင်းပတဲ့ ၇၈ ကြိမ်မြောက် ချင်းအမျိုးသားနေ့အခမ်းအနားကို အာရက္ခတပ်တော် (AA) နဲ့အာရက္ခပြည်သူ့လုံခြုံရေးအဖွဲ့ (DLEPS) က လုံခြုံရေးတာဝန်ယူပေးခဲ့ပါတယ်။
ဖေဖော်ဝါရီလ ၂၀ ရက်နေ့ကကျင်းပတဲ့ ဒီပွဲကိုမြောက်ဦးခရိုင်ပါတီတာဝန်ခံတွေနဲ့ ဒေသခံ ချင်း၊ အာရက္ခပြည်သူ ၁,၅၀၀ ကျော် စည်ကားသိုက်မြိုက်စွာ တက်ရောက်ခဲ့ကြတာပါ။
အဲဒီအခမ်းအနားမှာ ချင်းနဲ့ရက္ခိုင် ရိုးရာအကတွေနဲ့ဖျော်ဖြေခဲ့ကြသလို အာရက္ခပြည်သူ့တော်လှန်ရေးအစိုးရကလည်း ပွဲဖြစ်မြောက်ဖို့ အဖက်ဖက်ကပံ့ပိုးကူညီခဲ့ပါတယ်။
အရင်က လျစ်လျူရှုခံခဲ့ရတဲ့ လေးမြို့ချောင်းအဖျားပိုင်းဒေသမှာ အခုလိုအစည်ကားဆုံး ကျင်းပနိုင်ခဲ့တဲ့အပေါ် ဒေသခံ ချင်းလူငယ်တွေနဲ့ ရပ်မိရပ်ဖတွေက ကျေးဇူးတင်စကား ပြောကြားခဲ့ကြပါတယ်။
