Border News Agency
စစ်တွေ၊ ဖေဖော်ဝါရီ ၂၁။
ဖေဖော်ဝါရီလရဲ့တတိယ ၁၀ ရက်ပတ်အတွင်းမှာ အာရက္ခဒေသအပါအဝင် တိုင်းနဲ့ပြည်နယ်အချို့မှာ မိုးရွာသွန်းနိုင်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ဖေဖော်ဝါရီလ ၂၁ ရက်၊ ဒီနေ့ထုတ်ပြန်ပါတယ်။
အာရက္ခဒေသအတွင်းမှာ မိုးထစ်ချုန်းရွာသွန်းနိုင်တဲ့အပြင် မနက်ပိုင်းအချိန်တွေမှာ ၄ ရက်ကနေ ၆ ရက်ခန့်အထိ မြူထူတွေဆိုင်းနိုင်တယ်လို့ သိရပါတယ်။
အဲဒီအပြင် ညအပူချိန်တွေအနေနဲ့လည်း ဖေဖော်ဝါရီလရဲ့ပျမ်းမျှအပူချိန်လောက်မှာပဲ ရှိနေမှာဖြစ်ပါတယ်။
လက်ရှိ ဂြိုဟ်တုဓာတ်ပုံတွေအရလည်း ရခိုင်ကမ်းရိုးတန်းနဲ့ ဘင်္ဂလားပင်လယ်အော်ဘက်မှာ တိမ်အသင့်အတင့်ဖြစ်ထွန်းနေတာကို တွေ့ရပါတယ်။
ဒါကြောင့် အာရက္ခပြည်သူတွေအနေနဲ့ မိုးဦးကျကာလလိုမျိုး မိုးထစ်ချုန်းရွာတာနဲ့ မြူထူဆိုင်းတဲ့အန္တရာယ်ကို သတိပြုနိုင်ဖို့လိုအပ်တယ်လို့ ဆိုပါတယ်။
