Border News Agency
ပလက်၀၊ ဖေဖော်ဝါရီ ၂၈။
ပလက်ဝခရိုင် ဆမီးမြို့နယ်၊ ဆားဝကျေးရွာမှာ ဖေဖော်ဝါရီလ ၂၆ ရက်နေ့၊ ည ၉ နာရီအချိန်ခန့်က မီးလောင်မှုဖြစ်ပွားခဲ့လို့ အမျိုးသမီးတဦး ပြင်းပြင်းထန်ထန်ဒဏ်ရာရသွားခဲ့တယ်လို့ သိရပါတယ်။
အဲဒီမီးလောင်မှုကြောင့် ဒဏ်ရာရရှိသွားတဲ့အမျိုးသမီးဟာ ဆမီးမြို့နယ်၊ ဆားဝကျေးရွာမှ ဦးမောင်ကျော်ရဲ့သမီး အသက်ခုနှစ်ဆယ့်ရှစ်နှစ်အရွယ် ဒေါ်ဆင်ခွမ်း ဖြစ်ပါတယ်။
အဲဒီမီးလောင်မှုဟာ ဖေဖော်၀ါရီလ ၂၆ ရက်နေ့ ၊ ည ၅ နာရီအချိန်ခန့်က ဒေါ်ဆင်ခွမ်းဟာ သူရဲ့နေအိမ်မှာ မိတ်ဆွေ အမျိုးသားတဦးနဲ့အတူ အရက်သောက်စားကြတယ်လို့ သိရပါတယ်။
အဲဒီအချိန် သူ့ရဲ့မိတ်ဆွေပြန်သွားပြီးနောက် တယောက်ထဲကျန်ခဲ့ရာ ဝက်စာကြိုချက်ထားတဲ့မီးမှ စတင်လောင်ကျွမ်းခဲ့တာလို့ ဆိုပါတယ်။
အဲဒီအပြင် မီးလောင်မှုကြောင့် ဒေါ်ဆင်ခွမ်းရဲ့နေအိမ် မီးလောင်ပြာကျသွားခဲ့သလို မီးလောင်ဒဏ်ရာရရှိခဲ့တဲ့ ဒေါ်ဆင်ခွမ်းဟာ ဆေးကုသမှုခံယူနေတယ်လို့ ဆိုပါတယ်။
