Border News Agency
လှိုင်းဘွဲ့ ၊ဧပြီ ၁၅ ။
ကရင်ပြည်၊ လှိုင်းဘွဲ့မြို့နယ်၊ မဲသဝေါဒေသမှာရှိတဲ့ စစ်ကော်မရှင်တပ်ရဲ့ ပနာအော်ဘူးတူ (ကြယ်ပြောင်ကုန်း)စခန်းကို KNLA ပူးပေါင်းတပ်ဖွဲ့တွေက ဧပြီလ ၁၃ ရက်နေ့မှာ တိုက်ခိုက်သိမ်းပိုက်နိုင်ခဲ့ပါတယ်။
အဲဒီစခန်းကို KNLA၊ KNDO နဲ့ ABSDF ပူးပေါင်းတပ်ဖွဲ့တွေတိုက်ခိုက်သိမ်းပိုက်ခဲ့တာဖြစ်ပြီး လက်နက်ခဲယမ်းအမြောက်အမြားကိုလည်း သိမ်းဆည်းရမိခဲ့ပါတယ်။
အဲဒီစခန်းသိမ်းတိုက်ပွဲအပြီးနေ့လည်ပိုင်းမှာ စစ်ကော်မရှင်တပ်ဘက်က ပွေးဖိုးကလားကျေးရွာကို လေကြောင်းတိုက်ခိုက်တာတွေပြုလုပ်ခဲ့တယ်လို့ဆိုပါတယ်။
အဲဒီလိုလေကြောင်းတိုက်ခိုက်ခဲ့တာကြောင့် ကျေးရွာအတွင်းရှိ လူနေအိမ် ၆ လုံးနဲ့ စာသင်ကျောင်း ၁ ကျောင်းပျက်စီးခဲ့ရသလို ရွာသားတဦးလည်း ထိခိုက်ဒဏ်ရာရသွားခဲ့တယ်လို့ဆိုပါတယ်။
စစ်ကော်မရှင်တပ်လေကြောင်းရန်ကြောင့် လက်ရှိမှာဒေသခံတွေဟာ ဘေးလွတ်ရာကိုတိမ်းရှောင်နေကြရပြီး နယ်မြေအတွင်း စစ်ရေးတင်းမာမှုတွေ ဆက်ရှိနေတယ်လို့ဆိုပါတယ်။
