Border News Agency
အယုဒ္ဓယ၊ ဧပြီ ၂၇။
ထိုင်းနိုင်ငံ၊အယုဒ္ဓယမြို့မှာ တရားမဝင် ဝင်ရောက်လာတဲ့ မြန်မာလုပ်သားတွေကို တင်ဆောင်လာတဲ့ မသင်္ကာဖွယ်ကားနှစ်စီးကို ထိုင်းအဝေးပြေးရဲတပ်ဖွဲ့ကဧပြီလ၂၆ ရက်၊ ညနေပိုင်းမှာ ဖမ်းဆီးလိုက်ပါတယ်။
အဲဒီမြန်မာလုပ်သား စုစုပေါင်း ၁၆ ဦးနဲ့အတူ သူတို့ကိုပိုပေးတဲ့မြန်မာယာဉ်မောင်းနှစ်ဦးကိုပါ ဖမ်းဆီးရမိခဲ့တာ ဖြစ်ပါတယ်။
အဲဒီအာရှလမ်းမကြီးပေါ်မှာ ရဲတပ်ဖွဲ့စတကာကပ်ထားတဲ့ Toyota Altis ကားကို စစ်ဆေးရာကနေ ယာဉ်မောင်း ဇင်ဘိုထက်နဲ့အတူ မြန်မာလုပ်သား ၇ ဦးကို ဖမ်းမိခဲ့တာပါ။
အဲဒီအပြင်အုထိုင်းမြို့နယ်အတွင်း Toyota Fortuner ကားတစီးပေါ်ကနေယာဉ်မောင်း အောင်ဇော်မင်းနဲ့အတူ မြန်မာလုပ်သား ၁၁ ဦးကို ထပ်မံဖမ်းဆီးရမိခဲ့ပါတယ်။
ဖမ်းဆီးခံရသူတွေကို စစ်ဆေးရာမှာတရားဝင်အထောက်အထား တစုံတရာ မရှိတာကို တွေ့ရှိရပါတယ်။
အဲဒီယာဉ်မောင်းနှစ်ဦးရဲ့ ထွက်ဆိုချက်အရ Facebook ကနေတဆင့် မြန်မာပွဲစားတွေနဲ့ ချိတ်ဆက်ပြီး နခွန်စဝမ်ကနေ ဘန်ကောက်အနီးတဝိုက်ရှိ တဦးကို ဘတ် ၅၀၀ နှုန်းနဲ့ ပို့ပေးတာလို့ဝန်ခံထားပါတယ်။
မြန်မာလုပ်သားတွေကတော့ သူတို့ဟာ မဲဆောက်မြို့တောလမ်းတွေကနေတဆင့် ထိုင်းနိုင်ငံထဲကို ခိုးဝင်လာကြတာဖြစ်ပြီး အလုပ်ရှာဖွေဖို့အတွက် ပွဲစားခအဖြစ် တဦးကို ဘတ် ၁၁,၀၀၀ ကနေ ၁၅,၀၀၀ အထိ ပေးခဲ့ရတယ်လို့ဆိုပါတယ်။
အဲဒီယာဉ်မောင်းနှစ်ဦးကို တရားမဝင်ဝင်ရောက်သူတွေကို ကူညီဖုံးကွယ်ပေးမှုနဲ့ အရေးယူထားကာ မြန်မာလုပ်သား ၁၆ ဦးကိုတော့ ခွင့်ပြုချက်မရှိဘဲ နိုင်ငံအတွင်း ဝင်ရောက်နေထိုင်မှုနဲ့ ဥပဒေအရ အရေးယူဖို့ ဆောင်ရွက်နေတယ်လို့ သိရပါတယ်။
