Border News Agency
ဝါးခယ်မ၊ မေ ၂။
ဧရာဝတီတိုင်းဒေသကြီး၊ ဝါးခယ်မမြို့၊ မြသိန်းတန်ရပ်ကွက်ရှိစက်သုံးဆီအရောင်းဆိုင်ဟာ မေလ ၂ ရက်၊ ဒီနေ့မနက်က မီးလောင်ခဲ့တယ်လို့ မြန်မာနိုင်ငံမီးသတ်တပ်ဖွဲ့ ထုတ်ပြန်ပါတယ်။
အဲဒီစက်သုံးဆီဆိုင်ဟာ ဒီနေ့မနက် ၉ နာရီခွဲခန့်မှာ စတင်လောင်ကျွမ်းခဲ့တာဖြစ်ပြီး ဝါးခယ်မမြို့နယ်မီးသတ်စခန်းအပြင် ရွှေလောင်း၊ကျုံမငေး၊ ရွာသစ်နဲ့ မော်ကျွန်းမြို့နယ်တွေက မီးသတ်ယာဉ်တွေပါ လာရောက်ငြှိမ်းသတ်ခဲ့ရပါတယ်။
မီးလောင်ရာသို့ မီးသတ်တပ်ဖွဲ့ဝင်တွေ၊ ကြက်ခြေနီအဖွဲ့၊ လူမှုကူညီရေးအသင်းတွေနဲ့ ဒေသခံပြည်သူတွေ ဝိုင်းဝန်းငြှိမ်းသတ်ခဲ့ကြတာကြောင့် မနက် ၁၀ နာရီ ၁၅ မိနစ်ခန့်မှာ မီးငြိမ်းသွားခဲ့ပါတယ်။
အဲဒီဆီဆိုင်မီးလောင်မှုဖြစ်တာကြောင့် မီးအရှိန်ပြင်းထန်ခဲ့ပေမယ့် မီးသတ်တပ်ဖွဲ့ဝင်တွေရဲ့ အချိန်မီထိန်းချုပ်နိုင်မှုကြောင့် ဘေးပတ်ဝန်းကျင်ကို ကူးစက်လောင်ကျွမ်းတာမရှိဘဲ ငြိမ်းသတ်နိုင်ခဲ့တာပါ။
