Border News Agency
ထိုင်း၊ မေ ၂။
ထိုင်းနိုင်ငံ၊ မဲဟောင်ဆောင်ခရိုင်၊ သံလွင်မြစ်ကမ်းနားက မယ်စမ်လပ်ကျေးရွာအနီးမှာ မြန်မာနိုင်ငံဘက်ကို တရားမဝင်ပို့ဆောင်မယ့် ဓာတ်ဆီဂါလန်အလုံး ၇၀ ကျော်ကို ထိုင်းအာဏာပိုင်တွေက ဖမ်းဆီးရမိခဲ့ပါတယ်။
အဲဒီ မယ်စရင်းအကောက်ခွန်ဌာနနဲ့ စစ်တပ်ပူးပေါင်းအဖွဲ့ဟာ နယ်စပ်လှည့်ကင်းဆောင်ရွက်စဉ် မြစ်ကမ်းနားမှာ လှေပေါ်တင်ဖို့ အသင့်ပြင်ထားတဲ့ ဆီပုံးတွေကို တွေ့ရှိခဲ့တာဖြစ်ပြီး ပိုင်ရှင်ဖြစ်သူကိုတော့ မတွေ့ရှိခဲ့ပါဘူး။
အဲဒီ ဖမ်းဆီးရမိတဲ့ စက်သုံးဆီပမာဏဟာ လီတာပေါင်း ၁,၈၀၀ ကျော်ရှိပြီး ကာလတန်ဖိုးအားဖြင့် ဘတ် ၇၅,၀၀၀ ကျော်ဖိုး ရှိတယ်လို့ အာဏာပိုင်တွေက ဆိုပါတယ်။
အဲဒီ အကောက်ခွန်လုပ်ထုံးလုပ်နည်းတွေကို ကျော်လွန်ပြီး ပြည်ပကို ကုန်စည်တွေ တရားမဝင်တင်ပို့ဖို့ ကြိုးပမ်းမှုနဲ့ အကောက်ခွန်ဥပဒေအရ အရေးယူခံရမှာပါ။
အဲဒီဖမ်းဆီးရမိတဲ့ ဆီပုံးအားလုံးကို ဥပဒေအရ ဆက်လက်အရေးယူနိုင်ဖို့အတွက် သက်ဆိုင်ရာအကောက်ခွန်ဌာနကို လွှဲပြောင်းသိမ်းဆည်းထားပါတယ်။
