Border News Agency
ထိုင်း၊ မေ ၂၆။
ထိုင်း – မြန်မာနယ်စပ်၊ တာ့ခ်ခရိုင်ဝမ်ကျောက်မြို့နယ်၊ ဖာဖုန်းကျေးရွာအနီးမှာ ထိုင်းစစ်တပ်ရဲ့ နရဲစွန်တပ်ဖွဲ့နဲ့ နယ်မြေခံအဖွဲ့တွေ ပူးပေါင်းပြီး မေလ ၂၆ ရက်၊ ဒီနေ့မနက်အစောပိုင်းမှာ ကင်းပုန်းဝပ်စောင့်ဆိုင်းခဲ့ကြတယ်လို့ ထိုင်းတော်ဝင်တပ်ဖွဲ့ကထုတ်ပြန်ပါတယ်။
အဲဒီလိုစောင့်နေတုန်း မသင်္ကာစရာကောင်းတဲ့မော်တော်ယာဉ်တစီး ဖြတ်သန်းမောင်းနှင်လာတာကြောင့် ပူးပေါင်းအဖွဲ့က တားဆီးစစ်ဆေးခဲ့တယ်လို့ဆိုပါတယ်။
အဲဒီကားကိုစစ်ဆေးတဲ့အခါ တရားမဝင်ခိုးဝင်လာတဲ့ နိုင်ငံခြားသား ၆ ဦးနဲ့အတူ သူတို့ကိုခေါ်လာပေးတဲ့ လမ်းပြ ၁ ဦးကို ဖမ်းဆီးရမိခဲ့တယ်လို့ ဆိုပါတယ်။
အဲဒီဖမ်းမိသူတွေဟာ သဘာဝလမ်းကြောင်းတွေကနေခိုးဝင်လာကြတာဖြစ်ပြီး စစ်ဆေးရေးဂိတ်တွေကိုရှောင်ကွင်းဖို့ ကားတွေကို လမ်းမှာအကြိမ်ကြိမ်လဲစီးခဲ့ကြတယ်လို့ ဆိုပါတယ်။
အဲဒီဖမ်းမိထားတဲ့သူအားလုံးကို ဥပဒေအရထိရောက်စွာအရေးယူနိုင်ဖို့အတွက် ဝမ်ကျောက်မြို့နယ် ရဲစခန်းဆီ လွှဲပြောင်းပေးထားတယ်လို့လည်း ဆိုပါတယ်။
