Border News Agency
ဒီပဲယင်း၊ ဇူလိုင် ၂။
စစ်ကိုင်းဒေသ၊ဒီပဲယင်းမြို့နယ်အခြေစိုက်စစ်တပ်အတွင်းကို လေကြောင်းမှချပေးတဲ့ ရိက္ခာထုပ်တွေကို တော်လှန်ရေးတပ်ဖွဲ့ဝင်တွေသိမ်းဆည်းရမိခဲ့တယ်လို့ ဒီပဲယင်းမြို့နယ်၊ပကဖ မှ ဇူလိုင်လ ၁ ရက်နေ့က ထုတ်ပြန်ပါတယ်။
အာဏာသိမ်းစစ်တပ်ရဲ့ မိတ္ထီလာ၊ရှမ်းတဲလေတပ်မှတက်လာတဲ့ စစ်တပ်ရဲ့ Y – 8 သယ်ယူပို့ဆောင်ရေးလေယာဉ်မှ စစ်တပ်ရိက္ခာထုပ်တွေကို ဇူလိုင်လ ၁ ရက်နေ့က ဒီပဲယင်းမြို့နယ် ပကဖတပ်ဖွဲ့ဝင်တွေက သိမ်းဆည်းရမိခဲ့တယ်လို့ ဆိုပါတယ်။
အာဏာသိမ်းစစ်တပ်ဟာ တော်လှန်ရေးအင်အားစုတွေထိန်းချုပ်ထားတဲ့ နယ်မြေတွေသို့ မြေပြင်လမ်းကြောင်းတွေမှ သယ်ယူပို့ဆောင်ရေးလုပ်ဆောင်နိုင်တာတွေမရှိတော့တာကြောင့် လေကြောင်းကိုသာအားကိုးနေရတာဖြစ်ပါတယ်။
ပြီးခဲ့တဲ့ ဇွန်လ ၂၃ ရက်နေ့ကလည်း မြိုင်မြိုနယ်အတွင်းရှိနေရာတခုမှာ အာဏာသိမ်းစစ်တပ်ရဲ့ သယ်ယူပို့ဆောင်ရေးရဟတ်ယာဉ်တစီးကို တော်လှန်ရေးတပ်တွေ တိုက်ခိုက်ဖျက်ဆီးနိုင်ခဲ့ပါတယ်။
