Border News Agency
အမေရိကန်၊ဇူလိုင် ၉။
အမေရိကန်နဲ့ အီရန်ကြားက အပစ်အခတ်ရပ်စဲရေး သဘောတူညီချက် ပြီးဆုံးသွားပြီလို့ အမေရိကန်သမ္မတ ဒေါ်နယ်ထရမ့်က အန်ကာရာမြို့မှာ ကျင်းပတဲ့ NATO ထိပ်သီးအစည်းအဝေးမှာ ပြောလိုက်ပါတယ်။
စေ့စပ်ညှိနှိုင်းသူတွေ ဆက်လုပ်နိုင်ပေမယ့် အချိန်ကုန်ရုံသက်သက်ပဲ ဖြစ်လိမ့်မယ်လို့ ထရမ့်က မှတ်ချက်ပေးပါတယ်။
ဒီစကားမပြောခင် ပြီးခဲ့တဲ့ အင်္ဂါနေ့က အမေရိကန်ဗဟိုစစ်ဌာနချုပ်က အီရန်ရဲ့ စက်လှေငယ်ခြောက်ဆယ်ကျော်အပါအဝင် ပစ်မှတ်ပေါင်းရှစ်ဆယ်ကျော်ကို ပစ်ခတ်တိုက်ခိုက်ခဲ့ပါတယ်။
အဲဒါကို တုံ့ပြန်တဲ့အနေနဲ့ အီရန်တော်လှန်ရေးအစောင့်တပ် (IRGC) က ဘာရိန်းနဲ့ ကူဝိတ်က အမေရိကန်စစ်စခန်းတွေကို ပစ်မှတ်ထား တိုက်ခိုက်ခဲ့တယ်လို့ ကြေညာပါတယ်။
အီရန်ဘက်က ဘာရိန်းနိုင်ငံ ဆယ်လ်မန်ဆိပ်ကမ်းမှာရှိတဲ့ အမေရိကန်ရေတပ်ဌာနချုပ်က စစ်ဘက်ဆိုင်ရာနေရာရှစ်တယ်ငါးခုကို ဒုံးကျည်၊ ဒရုန်းတွေနဲ့ တိုက်ခိုက်ခဲ့တယ်လို့ ထုတ်ပြန်ထားပါတယ်။
