Border News Agency
ရန်ကုန်၊ဇူလိုင် ၉။
စက်သုံးဆီနဲ့စားသုံးဆီတင်သွင်းမှုကို လျှော့ချနိုင်ဖို့နည်းလမ်းရှာရမယ်လို့ သမ္မတတုမင်းအောင်လှိုင်ကပြောပါတယ်။
မြေပြင်မှာနိုင်ငံခြားငွေအကျပ်အတည်းကြောင့် ပြည်ပကနေ ဆီနှစ်မျိုးစလုံး တင်သွင်းရတာ အခက်အခဲရှိနေပြီး ဈေးနှုန်းတွေလည်း မြင့်တက်နေတာကို မဖြေရှင်းနိုင်သေးတဲ့ အခြေအနေမှာ အခုလို ပြောကြားလိုက်တာပါ။
လျှပ်စစ်မီးမမှန်တဲ့အတွက် နေရာတိုင်းမှာ စက်သုံးဆီသုံးပြီး မီးစက်မောင်းနေရတဲ့ မြေပြင်အခြေအနေကို ကျော်လွှားဖို့ ကျောက်မီးသွေးနဲ့ နေရောင်ခြည်စွမ်းအင်သုံး ဓာတ်အားပေးစက်ရုံတွေ တည်ဆောက်ဖို့နဲ့ မီးရထားစနစ်ကို တိုးချဲ့အသုံးပြုဖို့ သူက တိုက်တွန်းပါတယ်။
စားသုံးဆီဈေးနှုန်း အဆမတန်မြင့်တက်နေတာကို ထိန်းကျောင်းဖို့အတွက် မြေပဲ၊ နှမ်း၊ နေကြာ၊ ပဲပုပ်နဲ့ ဆီအုန်းလို ဆီထွက်သီးနှံတွေကို ပြည်တွင်းမှာ ပိုမိုထုတ်လုပ်ဖို့လည်းဆိုပါတယ်။
အဲဒီအပြင်ဆီထွက်သီးနှံ အထွက်နှုန်းတိုးဖို့ သုတေသနလုပ်ငန်းတွေနဲ့ စိုက်ပျိုးရေးလုပ်ငန်းရှင်တွေကို ဝန်ကြီးချုပ်တွေက အနီးကပ် ကူညီကြပ်မတ်ပေးဖို့ကိုလည်းညွှန်ကြားခဲ့ပါတယ်။
