Border News Agency
မင်းပြား၊ဇူလိုင် ၉။
မင်းပြားမြို့မှာဇူလိုင်လ ၉ ရက်၊ဒီနေ့ညနေပိုင်းကစပြီး မြစ်ရေတွေထပ်တက်လာတာမို့ မြို့ပေါ်ရပ်ကွက်အားလုံးရေကြီးပါတယ်။
အဲဒီမြစ်ရေထပ်တက်လာကြောင့် မြို့ပေါ်ရပ်ကွက်တွေသာမကမင်းပြားမြို့ နယ်ရှိကျေးရွာအများစုရေအရေးပေါ်ရွှေ့ပြောင်းနေရပါတယ်။
”အရင်ရက်ကထက်ရေက တရိပ်ရိပ်နဲ့ ထပ်တက်လာတာ။ အခုဆို မြို့ပေါ်ရပ်ကွက်တွေအကုန်လုံး ရေမြုပ်ကုန်ပြီ။ လမ်းတွေလည်း သွားလို့မရတော့ဘူး။ရွာဘက်တွေမှာလည်း အခြေအနေ တော်တော်ဆိုးနေတယ်။” လို့ မင်းပြားမြို့ခံတဦးက Border News Agency ကိုပြောပါတယ်။
မိုးအဆက်မပြတ်ရွာနေပြီး မြစ်ရေ၊ ချောင်းရေတွေ ဆက်တက်နေတာကြောင့် ဒေသခံပြည်သူတွေဟာ သောက်သုံးရေနဲ့စားနပ်ရိက္ခာအခက်အခဲကြုံတွေ့နေကြရပါတယ်။
