Border News Agency
ထိုင်း၊ ဩဂုတ် ၂၀။
ထိုင်းနိုင်ငံသို့ရောက်ရှိနေတဲ့ အာဏာသိမ်းစစ်တပ်ရဲ့ တပ်မတော်ကာကွယ်ရေးဦးစီးချုပ် ရဲဝင်းဦးဟာ ထိုင်းနိုင်ငံကာကွယ်ရေးဝန်ကြီးနဲ့ ဩဂုတ်လ ၁၉ ရက်နေ့က တွေ့ဆုံဆွေးနွေးခဲ့ပါတယ်။
အဲဒီတွေ့ဆုံပွဲမှာ နှစ်နိုင်ငံတပ်မတော်ကြား ချစ်ကြည်ရင်းနှီးမှုနဲ့ ပူးပေါင်းဆောင်ရွက်ရေးကိစ္စတွေကို အဓိကထား ဆွေးနွေးခဲ့ကြတာပါ။
အဲဒီအပြင် နယ်စပ်ဒေသတည်ငြိမ်အေးချမ်းရေး၊တရားမဝင်ကုန်သွယ်မှုတွေထိန်းချုပ်ရေးနဲ့ နယ်စပ်ဖြတ်ကျော် မှုခင်းတွေတားဆီးကာကွယ်ရေးစတဲ့ လုံခြုံရေးဆိုင်ရာပူးပေါင်းဆောင်ရွက်မှု မြှင့်တင်ရေးကိစ္စတွေကိုလည်း ထည့်သွင်းဆွေးနွေးခဲ့ကြပါတယ်။
နောက်ပြီးနှစ်နိုင်ငံတပ်မတော်နှစ်ရပ်ကြား သင်တန်းသားတွေ၊အားကစားနဲ့ ယဉ်ကျေးမှုအဖွဲ့တွေအပြန်အလှန်စေလွှတ်ရေးအပါအဝင် ရှေ့ဆက်ပူးပေါင်းဆောင်ရွက်သွားဖို့ကိစ္စတွေကိုလည်း ဆွေးနွေးခဲ့ကြပါတယ်။
