Border News Agency
မဲဆောက်၊ အောက်တိုဘာ ၃၀။
ထိုင်းနိုင်ငံ၊မဲဆောက်မြို့မှာ နိုင်ငံရေးအကျဥ်းသားများကူညီစောင့်ရှောက်ရေးအသင်း (AAPP) က ဦးဆောင်ပြီး အပြည်ပြည်ဆိုင်ရာ နိုင်ငံရေးအကျဥ်းသားများနေ့အခမ်းအနားကို အောက်တိုဘာလ ၃၀ ရက်၊ဒီနေ့ ကျင်းပခဲ့ပါတယ်။
အခမ်းအနားမှာ နွေဦးနိုင်ငံရေးအကျဉ်းသားတွေရဲ့ တိုက်ပွဲဝင်စိတ်ဓာတ်ကို ဂုဏ်ပြုတဲ့အနေနဲ့ ထောင်တွင်း ခံစားချက်နဲ့ ယုံကြည်ချက်တွေကိုပုံဖော်ထားတဲ့ “အမှောင်ခေတ်မှတ်တမ်း”ကဗျာစာအုပ်ကို မိတ်ဆက်ထုတ်ဝေခဲ့ပါတယ်။
အဲဒီအပြင်ကဗျာစာအုပ်ထဲမှကဗျာတွေကို သရုပ်ဖော် ရွတ်ဆိုခဲ့ကြသလို အခမ်းအနား တက်ရောက်လာသူတွေကိုလည်းစာအုပ်အခမဲ့ ဝေငှပေးခဲ့ပါတယ်။
အဲဒီပွဲသို့ နိုင်ငံရေးအကျဉ်းသားဟောင်းတွေ၊ရဲဘော်တွေ၊တက်ကြွလှုပ်ရှားသူတွေနဲ့CDM ဝန်ထမ်းတွေတက်ရောက်ခဲ့ကြပြီး ထောင်တွင်း ဖိနှိပ်ခံရမှုတွေနဲ့ ပတ်သက်တဲ့ စကားဝိုင်းကိုလည်း ထည့်သွင်း ကျင်းပခဲ့ပါတယ်။
စစ်တပ်အာဏာသိမ်းပြီးနောက်ပိုင်း အကြောင်းအမျိုးမျိုးကြောင့် မတရား ဖမ်းဆီးထိန်းသိမ်းခံထားရတဲ့ နိုင်ငံရေးအကျဉ်းသား ထောင်ပေါင်းများစွာ ထောင်တွင်းမှာ ဖိနှိပ်ခံနေရဆဲဖြစ်ပါတယ်။
