Border News Agency
ပုဏ္ဏားကျွန်း၊ဩဂုတ် ၂၇။

စစ်တွေမြို့နယ်၊ အမြင့်ကျွန်းကျေးရွာအနီးဝန်းကျင်မှာ အာရက္ခတပ်တော်(AA)နဲ့ စစ်ကော်မရှင်တပ်ကြား နှစ်ဖက်ရင်ဆိုင်ပစ်ခတ်နေကြသလို လက်နက်ကြီးတွေ အပြန်အလှန်ပစ်ခတ်မှုတွေလည်း ရှိနေတယ်လို့ ဒေသခံတွေက ဆိုကြပါတယ်။

အဲဒီစစ်တွေမြို့နယ်၊ အမြင့်ကျွန်းရွာဝန်းကျင်မှာ ဩဂုတ် ၂၆ ရက်နေ့က ပစ်ခတ်မှုတွေဖြစ်ပွားခဲ့သလို ဒီနေ့မနက်ပိုင်းကလည်း ပစ်ခတ်သံများကြားခဲ့ရတယ်လို့ စစ်တွေမြို့ပေါ်နေသူတွေက ဆိုကြပါတယ်။

“မနေ့ကလည်း လက်နက်ငယ်သံတွေ ကြားတယ်။ လက်နက်ကြီးလည်း ခြော က်ချက်…ခုနှစ်ချက်…ပစ်တယ်..မနေ့က။ ဒီနေ့ကျတော့ လက်နက်ငယ်သံပဲ ကြားရတယ်။လက်နက်ကြီးသံ မကြားသေးဘူး။ အမြင့်ကျွန်းနားမှာ တိုက်ပွဲဖြစ်နေတာပါ။” လို့ စစ်တွေမြို့မှာနေထို င်တဲ့အမျိုးသားတဦးက Border News Agencyကို ပြောပါတယ်။

စစ်ကော်မရှင်တပ်ဟာ မနေ့က မနက် ကိုးနာရီခန့်မှညနေပိုင်းထိ ပုဏ္ဏားကျွန်းမြို့နယ်နဲ့ပေါက်တောမြို့နယ်ရှိ အရပ်သားတွေနေထိုင်တဲ့လူနေကျေးရွာတွေကို လက်နက်ကြီးတွေပစ်ခတ်နေခဲ့တ ယ်လို့ ဒေသခံတွေက ဆိုကြပါတယ်။

အဲဒီလိုလက်နက်ကြီးပစ်ခတ်မှုကြောင့် ပေါက်တောမြို့နယ်၊ တောင်ညိုကျေးရွာအနီးလယ်ကွင်းပြင်ကို လက်နက်ကြီးသုံးလုံးကျရောက်ပေါက်ကွဲခဲ့ပြီး ပုဏ္ဏားကျွန်းမြို့နယ်၊ ငှက်ကြီးကျွန်းရွာမှာလည်း လက်နက်ကြီးကျည်တချို့ ကျရောက်ပေါက်ကွဲလို့ နေအိမ်တချို့ ပျက်စီးခဲ့ပါတယ်။

“စစ်တွေဘက်က လက်နက်ကြီးတွေ ပစ်နေတာ တလလောက်ရှိပြီ။ နေ့တိုင်းတော့မပစ်ဘူး။ ရက်ခြားပြီး ပစ်တယ်။ လေယာဉ်တွေလည်း အရင်ကထက်ဝဲတယ်။ ဒီကလူတွေလည်း တော်တော်ကြောက်လန့်နေရတယ်။” လို့ပေါက်တောမြို့ နယ်မှအမျိုးသမီးတဦးက ပြောပါတယ်။

စစ်ကော်မရှင်တပ်ဟာ စစ်တွေမြို့ပေါ်နဲ့မြို့အနီးပတ်ပတ်လည်ကျေးရွာတွေမှာစစ်စခန်းတွေချထားပြီးစစ်အင်အားတိုးခံစစ်ပြင်ထားတာပါ။

အဲဒီအပြင် စစ်ကော်မရှင်တပ်မိုင်းခွဲဖျက်ဆီးထားတဲ့ အမြင့်ကျွန်းတံတားကိုလည်း ပြန်လည်ပြင်ဆင်ပြီး ခံစစ်အခို င်အမာလုပ်နေတယ်လို့ စစ်ရေးသတင်းရင်းမြစ်တွေက ဆိုကြပါတယ်။

“တံတားနားမှာ တိုက်ပွဲဖြစ်ကြတာပြောတယ်။ဒီဘက်ကိုတိုးလာဖို့လုပ်တာ၊ခံစ စ်ကို ချဲ့ဖို့လုပ်တယ်။AAကလည်း အဲဒါကို ဝင်တိုက်တာ။” လို့ အမြင့်ကျွန်းရွာအနီးဖြစ်နေတဲ့တိုက်ပွဲနဲ့ပက်သက်ပြီးမြေပြင်သတင်းရင်းမြစ်တဦးက ပြောပါတယ်။

စစ်ကော်မရှင်တပ်ဟာ စစ်တွေမြို့အနီးပတ်လည်ရှိ ကျေးရွာအားလုံးမှ ပြည်သူတွေကို နှင်ထုတ်၊မြို့ထဲ ပိတ်လှောင်ပြီးအဲဒီရွာတွေမှာ စစ်စခန်းတွေအခိုင်အမာချထားတာပါ။

စစ်တွေမြို့နယ်က ရှေ့တန်းစခန်းတွေမှာ အင်အားဖြည့်တင်းတာတွေ ပိုလုပ်လာခဲ့ပြီး နှစ်ဖက်တိုက်ပွဲဖြစ်ပွားလာတာပါ။

စစ်ကော်မရှင်တပ်ဟာ စစ်တွေမြို့နယ်ပတ်ပတ်လည်ရေပြင်တွေမှာလည်း ရေတပ်စစ်သင်္ဘောတွေအများအပြားဖြည့်ထားပြီး ပစ်ကူစစ်ကူတွေဖြည့်တင်းထားတာမို့ တိုက်ပွဲတွေ ပြင်းထန်လာနိုင်တယ်လို့ စစ်တွေမြို့နေပြည်သူတွေက ဆိုကြပါတယ်။