Border News Agency
မောင်တော၊ ဒီဇင်ဘာ ၁၀။
အာရက္ခဒေသမှာ နှစ်နှစ်အတွင်း ရိုဟင်ဂျာအမည်ခံလက်နက်ကိုင်အကြမ်းဖက်သမားတွေသတ်ဖြတ်လို့ အရပ်သား ၁၄ ၇ ဦးသေဆုံးပြီး ၁၈ ဦးဒဏ်ရာရသွားတယ်လို့ အာရက္ခတပ်တော်ရဲ့လူသားချင်းစာနာထောက်ထားရေးနဲ့ ပူးပေါင်းဆောင်ရွက်ရေးရုံး(HDCO)က ဒီဇင်ဘာလ ၁၀ ရက်၊ ဒီနေ့ထုတ်ပြန်ပါတယ်။
ပြီးခဲ့တဲ့ ၂၀၂၃ ခုနှစ်၊ နိုဝင်ဘာလ ၁၃ ရက်နေ့မှ ၂၀၂၅ ခုနှစ် နိုဝင်ဘာလ ၁၃ ရက်နေ့ထိ ရိုဟင်ဂျာအမည်ခံလက်နက်ကိုင်အကြမ်းဖက်သမားတွေကြောင့် အာရက္ခပြည်သူ ၁၄၇ ဦးသေဆုံးခဲ့ပြီး ၁၈ ဦးဒဏ်ရာရသွားခဲ့တယ်လို့ ဆိုပါတယ်။
အဲဒါတွေဟာ ရိုဟင်ဂျာအမည်ခံလက်နက်ကိုင်အကြမ်းဖက်သမားတွေရဲ့ ချောင်းမြောင်းပစ်ခတ်မှု၊ ဖမ်းဆီးသတ်ဖြတ်မှုတွေကြောင့် သေဆုံး၊ ဒဏ်ရာရသွားကြတာဖြစ်တယ်လို့ဆိုပါတယ်။
အဲဒီသေဆုံးသွားတဲ့ အရပ်သား ၁၄၇ ဦးထဲမှာအမျိုးသမီး ၅.၄ ရာခိုင်နှုန်းပါဝင်ပြီး ဒဏ်ရာရသူ ၁၈ ဦးထဲမှာလည်း အမျိုးသမီး ၁၁ ရာခိုင်နှုန်းပါဝင်တယ်လို့ဆိုပါတယ်။
အဲဒီအပြင် ၃၀ ဦးဖမ်းဆီးခံရပြီး အဲဒီထဲမှာအမျိုးသမီး၃.၃ ရာခိုင်နှုန်းပါဝင်သလို အသက် ၁၀ နှစ်အောက်ကလေး ၁၀ ရာခိုင်နှုန်းပါဝင်တယ်လို့ ဆိုပါတယ်။
အာရက္ခ – ဘင်္ဂလာနယ်စပ်ကို အာရက္ခတပ်တော်ထိန်းချုပ်ထားပေမယ့် ရိုဟင်ဂျာအမည်ခံလက်နက်ကိုင်အကြမ်းဖက်သမားတွေဟာ အကြမ်းဖက်တိုက်ခိုက်မှုတွေမကြာခဏကျူးလွန်နေကြပါတ ယ်။
