Border News Agency
နေပြည်တော်၊ ဒီဇင်ဘာ ၁၀။
ကမ္ဘာတဝှမ်းမှာ ၂၀၂၅ တနှစ်အတွင်းသတင်းထောက်ခုနှစ်ဆယ်သတ်ဖြတ်ခံရပြီးငါးရာကျော်ဖမ်းဆီးခံရတယ်လို့ ပြင်သစ်အခြေစိုက်နယ်စည်းမခြားသ တင်းထောက်များအဖွဲ့ (RSF)က ဒီဇင်ဘာလ ၁၀ ရက်၊ ဒီနေ့ထုတ်ပြန်ပါတယ်။
စစ်ပွဲတွေ၊လက်နက်ကိုင်တပ်ဖွဲ့တွေနဲ့ စနစ်တကျကျူးလွန်တဲ့ရာဇဝတ်မှုတွေကြောင့်အသတ်ခံရတဲ့သတင်းထောက်အရေအတွက်ဟာ ထပ်မံမြင့်တက်လာခဲ့တယ်လို့ဆိုပါတယ်။
ဒီ၂၀၂၅ ခုနှစ်ဟာ သတင်းသမားတွေ အသေအပျောက်အများဆုံးနဲ့အဆိုးဝါးဆုံးနှစ်ဖြစ်တယ်လို့ ဆိုပါတယ်။
“ဒါကသတင်းထောက်တွေအပေါ် မုန်း တီးမှုကြောင့်ပါ။ဒီနှစ်မှာမတော်တဆမဟုတ်ဘဲသတင်းထောက်ခြောက်ဆ ယ်ခုနှစ်ဦးသေဆုံးခဲ့ရပါတယ်။ဒါကမ တော်တဆမှုကြောင့်မဟုတ်သလိုဘေး ပန်းထိခိုက်မှုကြောင့်လည်းမဟုတ်ဘူး။သူတို့ဟာ သူတို့ရဲ့အလုပ်ကြောင့် ပစ် မှတ်ထားသတ်ဖြတ်ခံခဲ့ရတာပါ။မီဒီယာကိုဝေဖန်တာဟာ လွတ်လပ်တဲ့သ တင်းစာပညာရေရှည်တည်တံ့ဖို့အတွက်အပြောင်းအလဲကိုတွန်းအားပေးသင့်ပေမယ့်သတင်းထောက်တွေကိုမုန်းတီးတဲ့အဆင့်အထိတော့မရောက်သင့်ဘူး”။လို့ RSF အဖွဲ့ရဲ့အထွေထွေညွှန်ကြားရေးမှူးချုပ်သီဘော့ဘရူတင်ကဆိုပါတယ်။
ကမ္ဘာတဝန်းမှာ ခုအချိန်ထိ သတင်းထောက်ဦးရေငါးရာသုံးဦးဖမ်းဆီးထိန်းသိမ်းခံထားရတယ်လို့ဆိုပါတယ်။
အဲဒီထဲမှာတရုတ်နိုင်ငံဟာ သတင်းသ မားတရာ့နှစ်ဆယ့်တဦးကိုအကျဉ်းချထားပြီး ရုရှားနိုင်ငံက လေးဆယ်ရှစ်ဦး၊ မြန်မာနိုင်ငံက လေးဆယ်ခုနှစ်ဦးဒီသုံးနိုင်ငံဟာ ကမ္ဘာ့အဆိုးဆုံးနိုင်ငံတွေအာဖြစ်ရပ်တည်နေတယ်လို့ဆိုပါတယ်။
တနှစ်အတွင်း သတ်ဖြတ်ခံခဲ့ရတဲ့ သတ င်းသမားစုစုပေါင်းခြောက်ဆယ်ခုနှစ်ဦးထဲမှထက်ဝက်နီးပါး(၄၃ရာခိုင်နှုန်းခန့်)ဟာ ဂါဇာကမ်းမြောင်ဒေသမှာ အစ္စ ရေးစစ်တပ်ရဲ့ပစ်ခတ်မှုကြောင့် သေ ဆုံးခဲ့ရတယ်လို့ဆိုပါတယ်။
ဂါဇာနောက်မှာတော့ မက္ကဆီကိုနိုင်ငံဟာ စနစ်တကျပြစ်မှုကျူးလွန်တာတွေကြောင့် သတင်းသမားကိုးဦးအသတ်ခံရပြီး ကမ္ဘာပေါ်မှာဒုတိယအန္တရာယ်အ များဆုံး နိုင်ငံဖြစ်ပါတယ်လို့ဆိုပါတယ်။
ယူကရိန်း နိုင်ငံကိုလည်း ရုရှားစစ်တပ်က ပစ်မှတ်ထားတာကြောင့် သတင်းသမားတွေအတွက် အန္တရာယ်ရှိတဲ့နေရာဖြစ်တယ်လို့ ဖော်ပြထားပါတယ်။
အဲဒီအပြင် လက်ရှိနိုင်ငံပေါင်း သုံးဆ ယ်ခုနှစ်နှိင်ငံမှာ ပျောက်ဆုံးနေတဲ့ သ တင်းထောက်ဦးရေ တရာ့သုံးဆယ်ငါးဦးထိရှိနေပြီး တချို့ဟာ နှစ်ပေါင်းသုံးဆယ်ထက်မနည်း ပျောက်ဆုံးနေကြတယ်လို့ဆိုပါတယ်။
အဲဒီထဲမှာခုနှစ်ဆယ်နှစ်ရာခိုင်နှုန်းဟာအရှေ့အလယ်ပိုင်းနဲ့ လက်တက်အမေရိကမှာ ဖြစ်ခဲ့တာလို့ဆိုပါတယ်။
