Border News Agency
ပဲခူး၊ ဒီဇင်ဘာ ၁၆။
ပဲခူးတိုင်းအနောက်ခြမ်း၊ နတ်တလင်းမြို့နယ်၊ ဒမငယ်ကျေးရွာထဲကိုဝင်လာတဲ့ စစ်ကော်မရှင်စစ်ကြောင်းကို တော်လှန်ရေးတပ်တွေတိိုက်ခိုက်လို့ စစ်ကော်မရှင်တပ်ဖွဲ့ဝင် ဆယ့်နှစ်ဦးသေဆုံးသွားတယ်လို့ အမှတ် ၂ စစ်ဆင်ရေးနယ်မြေမှ ထုတ်ပြန်ပါတယ်။
အဲဒီဒမငယ်ရွာထဲကို ဒီဇင်ဘာလ ၁၂ ရက်၊ည ၈ နာရီအချိန်မှာ အင်အားခုနှစ်ဆယ်နဲ့ စစ်ကြောင်းထိုးဝင်ရောက်လာတဲ့ စစ်ကော်မရှင်တပ်စစ်ကြောင်းကို တော်လှန်ရေးတပ်တွေတိုက်ခိုက်လို့ တပွင့်ဗိုလ်တဦးအပါအဝင် ဆယ့်နှစ်ဦးသေဆုံးခဲ့တယ်လို့ဆိုပါတယ်။
အဲဒီစစ်ကော်မရှင်တပ်စစ်ကြောင်းကို အမှတ် ၂ စစ်ဆင်ရေးနယ်မြေ၊ ပဲခူးတိုင်းစစ်ဌာန၊ ဗျူဟာ ၂၂ ကွပ်ကဲမှုအောက်ရှိ သာယာဝတီခရိုင်တပ်ရင်း ၁၊ တပ်ခွဲ ၂၊ ၃၊ ၄၊ ၆၊ ၇၊ တပ်ရင်းဒရုန်းတပ်ဖွဲ့၊ သာယာဝတီခရိုင် တပ်ရင်း ၂၊ တပ်ခွဲ ၁ နဲ့ နတ်တလင်း ပကဖ၊ ဇီးကုန်း ပကဖ၊ Spring Bees UAV Force တို့ ပူးပေါင်းတိုက်ခိုက်ခဲ့တယ်လို့ဆိုပါတယ်။
အဲဒီတိုက်ပွဲအတွင်း MA 1 တလက်၊ MA 11 တလက်၊ MA 5 တလက်နဲ့ စကားပြောစက်၊ ကျည်ဘောက်၊ ခဲယမ်းတွေ သိမ်းဆည်းရမိခဲ့တယ်လို့ ဆိုပါတယ်။
အဲဒိီအပြင် ဒီဇင်ဘာလ ၁၄ရက်၊မနက် ၆ နာရီကျော်လောက်မှာလည်း ဒမငယ်တိုက်ပွဲကနေ လူစုကွဲပြီးထွက်ပြေးနေတဲ့ စစ်ကော်မရှင်တပ်သားတဦးနဲ့ ကာကွယ်ရေးတပ်ဖွဲ့ဝင်တွေ ထိတွေ့မှုဖြစ်ကာ အဲဒီတပ်သားလည်းသေဆုံးခဲ့တယ်လို့ဆိုပါတယ်။
