Border News Agency
မူး၊ဇန်နဝါရီ ၁၁ ။
ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ မူးမြို့နယ်ရှိကျေးရွာတွေကို စစ်ကော်မရှင်တပ်ပစ်ခတ်တိုက်ခိုက်လို့ အရပ်သားလေးဦးသေဆုံးပြီး နှစ်ဦးဒဏ်ရာရသွားခဲ့ပါတယ်။
အဲဒီမူးမြို့နယ်၊ လှေဒုံးကျေးရွာကို ဇန်နဝါရီလ ၈ ရက်နေ့က စစ်ကော်မရှင်တပ်မှ ပေါင် ၅၀၀ ဗုံးနှစ်လုံးနဲ့ လေကြောင်းတိုက်ခိုက်
ခဲ့တယ်လို့ ကရင်အမျိုးသားအစည်းအရုံးကမှ မနေ့ကထုတ်ပြန်ပါတယ်။
အဲဒီလို လေကြောင်းတိုက်ခိုက်လို့ ပြည်သူလေးဦးသေဆုံပြီး နှစ်ဦးဒဏ်ရာရသွားသလို နေအိမ်သုံးလုံးပျက်စီးခဲ့တယ်လို့ ဆိုပါတယ်။
အဲဒီလှေဒုံးကျေးရွာမှ အသက်အရွယ် ခုနှစ်ဆယ်အရွယ်ခြောက်နှစ်ဒေါ်တင်မြင့် ၊ အသက်အရွယ်လေးဆယ်ရှစ်နှစ်အရွယ် ဒေါ်နန်းနွယ်နဲ့ အသက်ခုနှစ်ဆယ့်ကိုးနှစ်အရွယ် ဒေါ်လှအေးတို့သေဆုံးခဲ့တယ်လို့ ဆိုပါတယ်။
အဲဒီအပြင် အသက်ဆယ့်နှစ်နှစ်အရွယ် မောင်သူရဟိန်း၊ နောက်ထပ်တဦးဒဏ်ရာရသွားပြီး နေအိမ်သုံးလုံးလည်းပျက်စီးခဲ့ရတယ်လို့ဆိုပါတယ်။
အဲဒီလိုစစ်ကော်မရှင်တပ်မှ လေကြောင်းတိုက်ခိုက်လို့ ကျေးရွာနေပြည်သူတွေမှာ ဘေးလွတ်ရာသို့ ထွက်ပြေးတိမ်းရှောင် နေကြရတယ်လို့ ဆိုပါတယ်။
အဲဒီအပြင် ကြိမ်ခါးကုန်းကျေးရွာကို ဇန်နဝါရီလ ၁၀ ရက်နေ့ကစစ်ကော်မရှင်တပ်ရဲ့ရွှေဝါတပ်မှ လက်နက်ကြီးပစ်ခတ်လို့အသက်အရွယ်သုံးဆယ်ခြောက်နှစ်အရွယ် ဒေါ်ညိုညိုဝင်းဒဏ်ရာရသွားခဲ့တယ်လို့ ဆိုပါတယ်။
နောက်ပြီး ရွာသစ်ကျေးရွာကို ဇန်နဝါရီလ ၆ ရက်နေ့ကလက်နက်ကြီးပစ်ခတ်ခဲ့တာကြောင့် အသက်ခြောက်ဆယ့်နှစ်နှစ်အရွယ်ဦးကျော်မြိုင် သေဆုံးခဲ့တယ်လို့ ဆိုပါတယ်။
စစ်ကော်မရှင်တပ်ဟာ သူတို့ထိန်းချုပ်နေရာတွေမှာအတုယောင်ရွေးကောက်ပွဲပြုလုပ်နိုင်ဖို့ ငြိမ်းချမ်းနေသလိုပြုမူနေပေမယ့် ကော်သူးလေထိန်းချုပ်မှုနယ်မြေတွေနဲ့တော်လှန်ရေးတပ်ဖွဲ့တွေထိန်းချုပ်ရာနေရာတွေကိုလေကြောင်း၊လက်နက်ကြီးပစ်ခတ်တာတွေ အဆက်မပြက်ပြုလုပ်နေတယ်လို့ဆိုပါတယ်။
