Border News Agency
ဘင်္ဂလားဒေ့ရှ်၊ ဇန်နဝါရီ ၁၇။
ဘင်္ဂလားဒေ့ရှ်ဘက်ရောက်နေသူတွေကို ပြန်လက်ခံဖို့ မြန်မာနိုင်ငံဘက်က အခိုင်အမာ ဆုံးဖြတ်ထားပြီး အစစအရာရာ ပြင်ဆင်ထားတယ်လို့ စစ်ကော်မရှင်က ဆိုပါတယ်။
ပြန်လာမယ့်သူတွေအတွက်နေရာထိုင်ခင်း၊ ကျန်းမာရေး၊ပညာရေးနဲ့ စားနပ်ရိက္ခာတွေတင်မကဘဲအလုပ်အကိုင်ရအောင်ပါ စီစဉ်ပေးထားတယ်လို့ ဆိုပါတယ်။
ပြီးခဲ့တဲ့ ၁၉၇၈ နဲ့ ၁၉၉၂ တုန်းကလည်း ခုလိုပဲ နှစ်နိုင်ငံသဘောတူညီချက်တွေနဲ့ အောင်မြင်အောင် လက်ခံခဲ့ဖူးတယ်လို့ဆိုပါတယ်။
အခုတခေါက်မှာတော့ ကိုဗစ်ကပ်ရောဂါ၊ မိုခါမုန်တိုင်းနဲ့ နယ်မြေမတည်ငြိမ်မှုတွေကြောင့်သာ ကြန့်ကြာနေရတာဖြစ်တယ်လို့ ဆိုပါတယ်။
ဒါပေမယ့် ပြန်လာတာနဲ့ နိုင်ငံသား အလိုအလျောက်ပေးဖို့ တောင်းဆိုနေတာတွေကတော့ မြန်မာ့ဥပဒေနဲ့ မကိုက်ညီဘူးလို့ ထောက်ပြပါတယ်။
အဲဒီလို နိုင်ငံသားဖြစ်ဖို့ဆိုတာ သတ်မှတ်ချက်တွေနဲ့ ညီမှရမှာဖြစ်ပြီး ခု ICJ အမှုကို အသုံးချပြီး ဥပဒေနဲ့မညီတဲ့တောင်းဆိုမှုတွေ လုပ်နေကြတာလို့ ဆိုပါတယ်။
အဲဒါကြောင့် မြန်မာနိုင်ငံဘက်ကပြင်ဆင်ထားတဲ့ အခြေအနေတွေကို သံတမန်တွေကိုလည်းဖိတ်ကြားပြသခဲ့ပြီးဖြစ်သလို ပြန်ဝင်လာသူတွေ လယ်ယာစိုက်ပျိုးနိုင်ဖို့ မြေကွက်တွေနဲ့ ဝင်ငွေရမယ့် အစီအစဉ်တွေကိုပါ စနစ်တကျ စီမံထားတယ်လို့ ဆိုပါတယ်။
