Border News Agency
ကျောက်တော်၊ ဇန်နဝါရီ ၂၁။
မိသားစုဝင်တွေအစုလိုက်အပြုံလိုက် သေဆုံးသွားရတဲ့ဖြစ်ရပ်ဆိုးကြောင့် ကျန်ရစ်သူတွေရဲ့မျက်နှာထက်မှာ ဖြေမဆည်နိုင်တဲ့ပူဆွေးသောကတွေ အထင်အရှားမြင်တွေ့နေရတာပါ။
အာရက္ခတပ်တော်ထိန်းချုပ်ထားတဲ့ ကျောက်တော်နဲ့ ပုဏ္ဏားကျွန်းအစပ်က စစ်သုံ့ပန်းတွေရှိရာနေရာကို ဇန်နဝါရီလ ၂၀ ရက်၊ ညပိုင်းမှာ စစ်ကော်မရှင်တပ်ကလေကြောင်းမှ ပေါင် ၃၀၀ ဗုံးတွေနဲ့ရွယ်ရည်ချက်ရှိရှိ တိုက်ခိုက်ခဲ့ပါတယ်။
တိုက်ပွဲတွေအတွင်းမှာ သူတို့ကိုကယ်ထုတ်ဖို့နေနေသာသာ ပစ်ပယ်ထားခဲ့တဲ့စစ်ကော်မရှင်တပ်ဟာ ခုတော့သူတို့ရဲ့ တပ်ဖွဲ့ဝင်ဟောင်းတွေနဲ့ မိသားစုဝင်တွေကို ကိုယ်တိုင်ပြန်ပြီး ဗုံးကြဲသတ်ဖြတ်လိုက်ပါတယ်။
အဲဒီတိုက်ခိုက်မှုကြောင့် အပြစ်မဲ့တဲ့အမျိုးသမီးတွေနဲ့ ကလေးငယ်တွေအပါအဝင် စုစုပေါင်းနှစ်ဆယ့်တဦးဟာ သူတို့ရဲ့နေရပ်ကို ပြန်မရောက်နိုင်တော့ဘဲ အသက်ဆုံးရှုံးခဲ့ရပါပြီ။
အဲဒီအပြင် ကျန်ရစ်သူမိသားစုဝင်တွေဟာ မိမိတို့ရဲ့ခင်ပွန်း၊ ဇနီးနဲ့ သားသမီးတွေကို ဆုံးရှုံးလိုက်ရတဲ့အတွက် ရင်ကွဲမတတ် ခံစားနေကြရပါတယ်။
