Border News Agency
ကျောက်တော်၊ ဇန်နဝါရီ ၂၆။
အာရက္ခဒေသတွင်းက မြို့နယ်ဆယ့်ငါးမြို့နယ်မှာ ပြည်သူတွေစားဝတ်နေရေး အဆင်ပြေအောင် အာရက္ခပြည်သူ့တော်လှန်ရေးအစိုးရက ကုန်ဈေးနှုန်းတွေကိုသတ်မှတ်ပေးပြီး စနစ်တကျထိန်းညှိပေးနေပါတယ်။
အဲဒီအသား၊ ငါးနဲ့အခြေခံစားကုန်တွေကို လူတိုင်းဝယ်နိုင်တဲ့ဈေးနှုန်းဖြစ်အောင် သတ်မှတ်ထားသလို၊ ဈေးသည်တွေအနေနဲ့ အလေးချိန် (ပိဿာ) မှန်မှန်ကန်ကန်ရောင်းချကြဖို့လည်း တိုက်တွန်းနှိုးဆော်ထားတာပါ။
အဲဒီအာရက္ခစည်ပင်ဌာန တာဝန်ရှိသူတွေက ဈေးတွေထဲအထိကွင်းဆင်းပြီး “သမာဓိချိန်ခွင်” တွေနဲ့ အလေးချိန်မှန်၊ မမှန် စစ်ဆေးနေပါတယ်။
သတ်မှတ်ဈေးထက်ပိုရောင်းတာ ဒါမှမဟုတ် မသမာတဲ့နည်းနဲ့ ဈေးရောင်းတာတွေကို တွေ့ရင်ထိထိရောက်ရောက် အရေးယူနေတယ်လို့ သိရပါတယ်။
