Border News Agency
ပဲခူး၊ ဇန်နဝါရီ ၂၉။
ပဲခူးတိုင်း၊ အုတ်တွင်းမြို့နယ်မှာ တိုင်းဗဟို ၆ အမြောက်တပ်မှ အင်အားတရာ့ငါးဆယ်ခန့်နဲ့ စစ်ကြောင်းထိုးလာတဲ့ စစ်ကော်မရှင်တပ်စစ်ကြောင်းကို တော်လှန်ရေးတပ်တွေတိုက်ခိုက်လို့ အများအပြားသေဆုံးပြီး လက်နက်ခဲယမ်းတွေသိမ်းဆည်းရမိခဲ့တယ်လို့ ပကဖအသံက ထုတ်ပြန်ထားပါတယ်။
အဲဒီ အုတ်တွင်း – ပေါက်ခေါင်းလမ်းပေါ်မှာ ဖြစ်ပွားခဲ့တဲ့တိုက်ပွဲကို ဗျူဟာ ၂၁ နဲ့ ၂၂ အောက်က တပ်ရင်းတွေအပြင် ပဲခူးခရိုင်၊ သာယာဝတီခရိုင်နဲ့ ရန်ကုန်တိုင်း ပကဖ အဖွဲ့တွေစုပေါင်းပြီး ဇန်နဝါရီလ၂၉ ရက်၊ ဒီနေ့မှာ အင်အားအလုံးအရင်းနဲ့တိုက်ခိုက်ခဲ့တာလို့ ဆိုပါတယ်။
အဲဒီတိုက်ပွဲမှာ စစ်ကော်မရှင်တပ်ဖွဲ့ဝင် ငါးဆယ်ဦးသေဆုံးခဲ့ပြီး ကျန်တဲ့သူတွေဟာ တပ်ပျက်ပြီးထွက်ပြေးသွားခဲ့ကြတယ်လို့ ဆိုပါတယ်။
အဲဒီနောက် နယ်မြေရှင်းလင်းရာမှာ လက်နက်ခဲယမ်းအများအပြားကို တော်လှန်ရေးတပ်ဖွဲ့တွေက သိမ်းဆည်းရမိခဲ့တယ်လို့ ဆိုပါတယ်။
အဲဒီစစ်ကြောင်းကို PDF တပ်ရင်း ၃၆၀၁၊ ၃၇၀၁၊ ၃၈၀၁၊ ၃၈၀၂၊ ၃၈၀၃ တို့အပြင် သာယာဝတီခရိုင် ပကဖ ဒရုန်းတပ်ဖွဲ့နဲ့ ရန်ကုန်တိုင်း ပကဖ တိုက်ခိုက်ရေးတပ်ဖွဲ့တွေ ပူးပေါင်းတိုက်ခိုက်ခဲ့တာလို့ ဆိုပါတယ်။
