Border News Agency
ပလက်ဝ၊ ဩဂုတ် ၂၈။
ပလက်ဝနဲ့ပုဏ္ဏားကျွန်းမြို့နယ်ရှိ အလှကုန်ပစ္စည်းအရောင်းဆိုင်တွေကို အာရက္ခပြည်သူ့ကျန်းမာရေးဌာန၊အစားအသောက်နဲ့ ဆေးဝါးကြီးကြပ်ရေးဌာနခွဲ (FDA) က ဒေသတွင်း ကွင်းဆင်းစစ်ဆေးခဲ့ပါတယ်။
ပလက်ဝမြို့နယ်ရှိ အလှကုန်ဆိုင်ဆယ့်နှစ်ဆိုင်ကိုစစ်ဆေးရာမှာ သုံးစွဲဖို့မသင့်တဲ့ဆိုင်ရှစ်ဆိုင်နဲသက်တမ်းကုန်ပစ္စည်းတွေတွေ့ရတဲ့ ဆိုင်ကိုးဆိုင်ကို စစ်ဆေးတွေ့ရှိခဲ့တာပါ။
အဲဒီအပြင်ပုဏ္ဏားကျွန်းမြို့နယ်မှာလည်း သုံးစွဲဖို့မသင့်တဲ့အလှကုန်ပစ္စည်း ဆိုင်ကိုးဆိုင်နဲ့သက်တမ်းကုန်ပစ္စည်းရှစ်ဆိုင်ကို စစ်ဆေးတွေ့ရှိခဲ့ပါတယ်။
စစ်ဆေးရေးအဖွဲ့ဟာ မသင့်လျော်တဲ့အလှကုန်တွေနဲ့ သက်တမ်းကုန်ပစ္စည်းတွေကိုသိမ်းဆည်းခဲ့ပြီး ဆိုင်ပိုင်ရှင်တွေကို ခံဝန်ရေးထိုးစေကာ တားမြစ်ကုန်ပစ္စည်းတွေထပ်မရောင်းကြဖို့ အသိပညာပေးခဲ့ပါတယ်။
အဲဒီတားမြစ်အလှကုန်တွေမှာ ကျန်းမာရေးကိုထိခိုက်စေတဲ့ ဓာတုပစ္စည်းတွေပါဝင်ပြီး အရေပြား ရောင်ရမ်းတာ၊ခေါင်းကိုက်တာနဲ့ရေရှည်သုံးစွဲရင် ကျောက်ကပ်ပျက်စီးတာတွေဖြစ်နိုင်တာကြောင့် အထူးသတိပြုကြဖို့ နှိုးဆော်ထားပါတယ်။
