Border News Agency
မြောက်ဦး၊ ဩဂုတ် ၂၈။
အာရက္ခပြည်အတွင်း အာရက္ခပြည်စာရေးဆရာအသင်း (ဗဟို)နဲ့ ခမီစာပေရေးရာကော်မတီတို့ သြဂုတ်လ ၂၇ ရက်နေ့မှာ တွေ့ဆုံဆွေးနွေးခဲ့ကြပါတယ်။
အဲဒီတွေ့ဆုံဆွေးနွေးပွဲမှာ အာရက္ခပြည်စာရေးဆရာအသင်း (ဗဟို) နဲ့ ခမီစာပေအရေးရာကော်မတီတို့က တာဝန်ရှိသူတွေတက်ရောက်ခဲ့ကြတာပါ။
ခမီစာပေအရေးရာကော်မတီဝင်တဦးက ခမီလူမျိုးစုတွေရဲ့ စာပေယဉ်ကျေးမှုကို ဖော်ထုတ်ထိန်းသိမ်းဖို့နဲ့ အာရက္ခပြည်စာရေးဆရာအသင်းနဲ့ ဆက်လက်ပူးပေါင်းဆောင်ရွက်သွားမယ်လို့ ပြောကြားခဲ့ပါတယ်။
အဲဒီအပြင် အာရက္ခပြည်စာရေးဆရာအသင်း (ဗဟို) ဥက္ကဋ္ဌကလည်း အာရက္ခပြည်အတွင်း မှီတင်းနေထိုင်ကြတဲ့ လူမျိုးစုတွေရဲ့ စာပေ၊ ရိုးရာယဉ်ကျေးမှုနဲ့ သမိုင်းကြောင်းတွေကို ဖော်ထုတ်ခွင့်ရလာပြီလို့ဆိုပါတယ်။
နောက်ပြီးထုတ်ဝေနေတဲ့ အာရက္ခသွေးချင်းဂျာနယ်မှာလည်း ဒေသနေလူမျိုးစုတွေရဲ့ အကြောင်းအရာတွေကို ထည့်သွင်းဖော်ပြလိုတယ်လို့ အလေးထားဆွေးနွေးခဲ့ကြပါတယ်။
အဲဒီဆွေးနွေးပွဲကို တက်ရောက်လာကြသူတွေက နှစ်ဖက်အကြား ပူးပေါင်းဆောင်ရွက်မယ့်ကိစ္စရပ်တွေကို အပြန်အလှန်ဆွေးနွေးခဲ့ကြတာပါ။
