Border News Agency
တီဟီရန်၊ ဖေဖော်ဝါရီ ၂၈။
အမေရိကန်နဲ့ အစ္စရေးပူးပေါင်းတပ်ဖွဲ့တွေဟာ ဒေါသတကြီးဟိန်းဟောက်သံ (Epic Fury) လို့ အမည်ပေးထားတဲ့ စစ်ဆင်ရေးကြီးကိုစတင်လိုက်ပြီး အီရန်နိုင်ငံရဲ့ အချက်အခြာကျတဲ့နေရာတွေကို အပြင်းအထန်လေကြောင်းကနေ တိုက်ခိုက်နေပြီ ဖြစ်ပါတယ်။
အဓိကအားဖြင့် မြို့တော်တီဟီရန်မှာရှိတဲ့ အာဏာပိုင်ဌာနချုပ်တွေနဲ့ ဗျူဟာမြောက်စစ်ရေးပစ်မှတ်တွေကို အရှိန်အဟုန်မြှင့် ဗုံးကြဲတိုက်ခိုက်နေတာပါ။
ဒီစစ်ဆင်ရေးမှာ အီရန်တနိုင်ငံလုံးမှာရှိတဲ့ လေကြောင်းရန်ကာကွယ်ရေးစနစ်တွေ၊ ခဲယမ်းမီးကျောက်သိုလှောင်ရုံတွေနဲ့ အီရန်ထိပ်သီးခေါင်းဆောင်တွေ နေထိုင်ရာနေရာတွေကိုပစ်မှတ်ထားပြီး တကျော့ပြန်တိုက်ခိုက်လာတာ ဖြစ်ပါတယ်။
အခုလည်း တီဟီရန်မြို့တော်အတွင်းမှာ ပြင်းထန်တဲ့ပေါက်ကွဲသံတွေဟာ မြေဟိန်းမတတ်ဆက်တိုက်ထွက်ပေါ်နေတယ်လို့ သိရပါတယ်။
အမေရိကန်နဲ့ အစ္စရေးဘက်ကတော့ ဒီစစ်ဆင်ရေးဟာ အီရန်ရဲ့စစ်ရေးအင်အားကို အမြစ်ဖြတ်ချေမှုန်းဖို့ ရည်ရွယ်တာဖြစ်ပြီး အီရန်နိုင်ငံအနှံ့ကအဓိကနေရာတွေကို ဒုံးကျည်တွေ၊ တိုက်လေယာဉ်တွေနဲ့ ဝိုင်းဝန်းပိတ်ဆို့ တိုက်ခိုက်နေတာပါ။
ဒါကြောင့်လည်း အီရန်စစ်တပ်အတွက် အလွန်စိုးရိမ်စရာကောင်းတဲ့ အနေအထားကို ရောက်နေပါတယ်။
အခုလို အီရန်ခေါင်းဆောင်တွေရဲ့ နေအိမ်တွေနဲ့ အဓိကဌာနချုပ်တွေပါ တိုက်ခိုက်ခံလာရတာကြောင့် အရှေ့အလယ်ပိုင်းစစ်ပွဲဟာ အမြင့်ဆုံးအဆင့်ကို ရောက်ရှိသွားပြီလို့ ဆိုရမှာပါ။
ဒီ Epic Fury စစ်ဆင်ရေးရဲ့ နောက်ဆက်တွဲ ထိခိုက်ပျက်စီးမှု အခြေအနေတွေကို BNA သတင်းဌာနကနေ အချိန်နဲ့တပြေးညီ ဆက်လက်တင်ပြပေးသွားမှာ ဖြစ်ပါတယ်။
