Border News Agency
ကျောက်မဲ၊ မတ် ၁၁။

ရှမ်းပြည်နယ်မြောက်ပိုင်း၊ ကျောက်မဲမြို့နယ်မှာ စစ်ကော်မရှင်တပ်နဲ့ ရှမ်းပြည်တိုးတက်ရေးပါတီ၊ရှမ်းပြည်တပ်မတော်(SSPP/SSA)တပ်တွေအကြား တိုက်ပွဲဖြစ်ပွားခဲ့တယ်လို့ SSPP Info က မတ်လ ၁၀ ရက်၊ မနေ့ကထုတ်ပြန်ပါတယ်။

ကျောက်မဲမြို့နယ်၊ ပုံဝိုးကျေးရွာအုပ်စုအတွင်းရှိ ပုံဝိုးကျေးရွာနဲ့ကွမ်ဟင်ကျေးရွာအနီးမှာ မတ်လ ၁၀ရက်၊မနက် ၁၁ နာရီ ၁၅ မိနစ်အချိန်ခန့်ကစပြီး စစ်ကော်မရှင်တပ်နဲ့ SSPP/SSA တို့အကြား တိုက်ပွဲဖြစ်ပွားခဲ့တာပါ။

အဲဒီတိုက်ပွဲမှာ စစ်ကော်မရှင်တပ် ခမရ-၁၁၅ အင်အားတရာဝန်းကျင်ခန့်က ပုံဝိုးကျေးရွာအနီး SSPP/SSA တပ်စခန်းတည်ရှိရာကိုထိုးစစ်ဆင်ဝင်ရောက်လာပြီး နှစ်ဘက်ထိတွေ့တိုက်ပွဲဖြစ်ပွားခဲ့တာလို့ ဆိုပါတယ်။

အဲဒီတိုက်ပွဲဟာ မနက် ၁၁နာရီ ၁၅မိနစ်အချိန်မှ နေ့လည် ၁၂နာရီ ၂၅မိနစ် အချိန်အထိဖြစ်ပွားခဲ့ပြီး တိုက်ပွဲအတွင်းနှစ်ဘက်ထိခိုက်ကျဆုံးမှုတွေရှိ၊မရှိ မသိရသေးဘူးလို့ ဆိုပါတယ်။

အဲဒီအပြင်စစ်ကော်မရှင်ဘက်မှ ပုံဝိုးကျေးရွာ ၊ ကွမ်ဟင်ကျေးရွာ ၊ တော်လေကျေးရွာ နဲ့ လေလွယ်ကျေးရွာတွေမှာစစ်အင်အားဖြည့်တင်းပြီး နှစ်ဘက်စစ်ရေးတင်းမာမှုနေတွဆက်ရှိနေတယ်လို့ ဆိုပါတယ်။