Border News Agency
အီရန်၊ မတ် ၁၁။

အစ္စရေးနိုင်ငံမြောက်ပိုင်း ဆာမာရီးယားဒေသရှိရိုမာနာအရပ်မှာ အီရန်ဒုံးကျည်ရဲ့အပျက်အစီးအစိတ်အပိုင်းတွေ ကျရောက်ခဲ့တယ်လို့ အစ္စရေးစစ်တပ်(IDF)က မတ်လ ၁၀ ရက်၊ မ​နေ့ကထုတ်ပြန်ပါတယ်။

​အစ္စရေးရဲ့ Patriot (MIM-104)လေကြောင်းရန်ကာကွယ်ရေးစနစ်ကနေ အီရန်ဘက်ကပစ်ခတ်လိုက်တဲ့ ဒုံးကျည်ကို ကောင်းကင်ယံမှာတင် ကြားဖြတ်ပစ်ချဖျက်ဆီးနိုင်ခဲ့တယ်လို့ ဆိုပါတယ်။

အဲဒီလိုပစ်ခတ်မှုကြောင့် ဒုံးကျည်ဟာအပိုင်းပိုင်းပြတ်သွားခဲ့ပြီး အပျက်အစီးတချို့ဟာ ရိုမာနာဒေသအတွင်းကို ကျရောက်ခဲ့တယ်လို့ဆိုပါတယ်။

အစ္စရေးစစ်တပ်နဲ့ သက်ဆိုင်ရာလုံခြုံရေးအဖွဲ့တွေဟာ ဒုံးကျည်အပျက်အစီးတွေကျရောက်ရာနေရာကို သွားရောက်စစ်ဆေးနေပြီး ထိခိုက်ဒဏ်ရာရမှု ရှိ၊မရှိကိုတော့ အသေးစိတ်ထုတ်ပြန်ထားတာ မရှိသေးပါဘူး။

အဲ​ဒီအပြင် အစ္စရေးအာဏာပိုင်တွေက ဒေသခံပြည်သူတွေအနေနဲ့ ဒုံးကျည်အပျက်အစီးတွေကို မကိုင်တွယ်ကြဖို့နဲ့ အရေးပေါ်သတိပေးချက်တွေကို ဆက်လက်စောင့်ကြည့်ကြဖို့လည်း တိုက်တွန်းထားပါတယ်။