Border News Agency
ကလော၊နိုဝင်ဘာ ၁၀။
ရှမ်းပြည်၊ကလောမြို့မှာ မိုးဆက်တိုက်ရွာသွန်းနေတဲ့အတွက် နိုဝင်ဘာလ ၁၀ ရက်၊ဒီနေ့ရေစတင်မြင့်တက်လာနေပြီး ရေဘေးအန္တရာယ်ကိုသတိထားကြဖို့ ဒေသခံတွေကသတိပေးထားပါတယ်။
လက်ရှိမှာ မိုးတိတ်သွားတာမရှိသေးဘဲ ရှေ့ဆက်လည်းမိုးဆက်လက်ရွာသွန်းမယ်လို့ သတင်းတွေထွက်ပေါ်နေတဲ့အတွက် စခန်းသစ်၊ရပ်ကွက် ၃ နဲ့အနိမ့်ပိုင်း ဒေသတွေမှာနေထိုင်ကြသူတွေပိုမို သတိပြုကြဖို့လိုအပ်နေတာပါ။
”ဆင်သောင်မြင်းတိတ်ဘက်မှာ မိုးရွာရင်တော့ရေပိုတက်လာနိုင်ပါတယ်။ ဒီနှစ်နဲ့ဆို ကလောမြို့မှာ သုံးနှစ်ဆက်တိုက်ရေတက်နေတာဖြစ်ပါတယ်”။လို့ ဒေသခံတဦးက ပြောပါတယ်။
အဲဒီဒေသမှာ မိုးတောက်လျှောက်ရွာသွန်းနေတာကြောင့် ရေကြောင်းလမ်းနဲ့နီးစပ်တဲ့ မြေနိမ့်ပိုင်းနေပြည်သူတွေအနေနဲ့ ရေဘေးအန္တရာယ်ကြိုတင်ကာကွယ်ရေးနဲ့လုံခြုံရေးကို အထူးဂရုစိုက်ကြဖို့ လိုအပ်နေပါတယ်။
ဓာတ်ပုံ-Khun Yar Zar
