Border News Agency
မြိုင်၊ မတ် ၁၈ ။
မကွေးတိုင်း၊ မြိုင်မြို့နယ်မှာ ရိက္ခာရှာဖို့ထွက်လာတဲ့ပျူစောထီးတွေကို တော်လှန်ရေးအဖွဲ့တွေက မိုင်းဆွဲတိုက်ခိုက်လိုက်ပါတယ်။
အဲဒီတိုက်ခိုက်မှုကြောင့် ပျူစောထီး ၁ ဦးသေဆုံးပြီး ၄ ဦး ပြင်းပြင်းထန်ထန်ဒဏ်ရာရသွားတယ်လို့ ပခုက္ကူခရိုင် တပ်ရင်း ၁၅ က သတင်းထုတ်ပြန်ပါတယ်။
မြိုင်မြို့နယ် ကန်နီပျူရွာကနေ မတ်လ ၁၄ ရက်၊ မနက်ပိုင်းမှာအင်အား ၂၃ ဦးနဲ့ ရိက္ခာရှာထွက်လာချိန်မှာ မိုင်းဆွဲခံရတာပါ။
တော်လှန်ရေးရဲဘော်တွေက လမ်းကနေကြိုစောင့်ပြီး တိုက်ခိုက်ခဲ့တာဖြစ်ပါတယ်။
ဒီမိုင်းဆွဲမှုအတွင်းမှာ ကန်နီရွာပျူခေါင်းဆောင်နဲ့ ဆွေမျိုးတော်စပ်သူဇော်ညွန့်ဆိုသူ သေဆုံးသွားတယ်လို့ဆိုပါတယ်။
အဲဒီအပြင် နောက်ထပ်ပျူစောထီး ၃ ဦးနဲ့ စစ်ကော်မရှင်တပ်သား ၁ ဦးလည်း ဒဏ်ရာအပြင်းအထန်ရသွားတယ်လို့ဆိုပါတယ်။
အဲဒီပျူစောထီးအဖွဲ့ကို ပခုက္ကူခရိုင် တပ်ရင်း ၁၅ နဲ့ ကန်နီ(ပကဖ)အဖွဲ့တို့က ပူးပေါင်းလုပ်ဆောင်ခဲ့တာလို့ဆိုပါတယ်။
