Border News Agency
မောင်တော၊ မတ် ၂၁။
အာရက္ခတပ်တော်(AA)ထိန်းချုပ်ထားတဲ့မောင်တောမြို့နယ်၊ ကြိမ်ချောင်းရွာက ကုန်စုံဆိုင်တွေမှာ တရားမဝင် ရောင်းချနေတဲ့ ပြည်ပထုတ်အရက်နဲ့ ဘီယာတွေကို ပြည်သူ့လုံခြုံရေးဌာန (DLEPS) က မတ်လ ၁၈ ရက်မှာ ဝင်ရောက်ဖမ်းဆီးခဲ့ပါတယ်။
ဒီလပ်အဖွဲ့ဟာ သတင်းအရကြိမ်ချောင်းရွာက ဆိုင်နှစ်ဆိုင်ကို ရှောင်တခင် ဝင်စစ်ခဲ့တာပါ။
အဲဒီမှာ ဆိုင်ရှင် မမေသန်းနုဆီက Grand အရက် ၂၅ ပုလင်းနဲ့ ABC ဘီယာ ၁၀၈ ဗူး သိမ်းဆည်းရမိပါတယ်။
ဒါ့အပြင် ဒေါ်အချေရဲ့ဆိုင်မှာလည်း Grand အရက် ၄၀ ကျော်နဲ့ ဘီယာမျိုးစုံ ထပ်မံတွေ့ရှိခဲ့ပါတယ်။
အဲဒီဖမ်းမိတဲ့ ပစ္စည်းအားလုံးကို သက်ဆိုင်ရာက စနစ်တကျ သိမ်းဆည်းထားပြီး ရောင်းချသူတွေကိုလည်း အရေးယူသွားမှာပါ။
အာရက္ခဒေသအတွင်းပြည်ပအရက်နဲ့ ဘီယာ တင်သွင်းတာကို ၂၀၂၄ စက်တင်ဘာကတည်းက ပိတ်ပင်ထားတာ ဖြစ်ပါတယ်။
အဲဒီစည်းကမ်းမလိုက်နာတဲ့ မူးယစ်ကုန်ပစ္စည်းတွေကိုလည်း ဖျက်ဆီးပစ်မယ်လို့ သိရပါတယ်။
အဲဒီမူးယစ်ကုန်ပစွည်းတွေကို အာရက္ခတပြည်လုံး အတိုင်းအတာနဲ့ ရှောင်တခင် စစ်ဆေးတာတွေ ဆက်လုပ်နေတာကြောင့် သတ်မှတ်ထားတဲ့ စည်းကမ်းတွေကို လိုက်နာကြဖို့ တိုက်တွန်းထားပါတယ်။
