Border News Agency
တာချီလိတ်၊ မတ် ၂၅။
ရှမ်းပြည်အရှေ့ပိုင်း၊ တာချီလိတ်မြို့နယ်အတွင်းမှာ ကျပ်ဘီလီယံနှစ်ဆယ်ကျော် တန်ဖိုးရှိတဲ့ မူးယစ်ဆေးဝါးတွေနဲ့ ဆက်စပ်ပစ္စည်းတွေကို ဖမ်းဆီးရမိတယ်လို့ မြန်မာနိုင်ငံရဲတပ်ဖွဲ့က မတ်လ ၂၄ ရက်နေ့ထုတ်ပြန်ပါတယ်။
အဲဒီလုံခြုံရေးပူးပေါင်းအဖွဲ့ဟာ မတ်လ ၂၄ ရက်နေ့က မိုင်းဟဲ(အောက်)ကျေး ရွာအုပ်စု၊ကော့ရားကျေးရွာအနီးရှိတဲတွေကိုဝင်ရောက်ရှာဖွေဖမ်းဆီးခဲ့တာပါ။
အဲဒီလိုမူးယစ်ဆေးဝါးချက်လုပ်ပြီးထုပ်ပိုးတဲ့ မိုးကာတဲကြီးတွေနဲ့အတူ WY စိတ်ကြွဆေးပြား ၆၉ သိန်း၊ မူးယစ်ဆေးဝါးချက်လုပ်အသုံးပြုတဲ့ ဆက်စပ်ပစ္စည်းတွေကို သိမ်းဆည်းရမိခဲ့ပါတယ်။
အဲဒီအပြင် ဆက်သွယ်ရေးအတွက် အသုံးပြုတဲ့ Starlink Gen 3 တလုံးကိုလည်း သိမ်းဆည်းရမိခဲ့ပြီး အသေးစိတ် ဆက်စစ်ဆေးနေပါတယ်။
အဲဒီဒေသမှာ မူးယစ်ဆေးဝါးချက်လုပ်တဲ့နေရာတွေ ထပ်ရှိနိုင်သေးတာမို့နယ်မြေရှင်းလင်းတာတွေဆက်လုပ်သွားမယ်လို့လည်းဆိုပါတယ်။
