Border News Agency
စစ်ကိုင်း၊ ဧပြီ ၁။
အမျိုးသားညီညွတ်ရေးအစိုးရ (NUG)၊ ပြည်ထဲရေးနဲ့လူဝင်မှုကြီးကြပ်ရေးဝန်ကြီးဌာနရဲ့ ဒုတိယဝန်ကြီးအဖြစ်ဦးဌေးငွေကို မတ်လ ၃၀ ရက်နေ့မှာ တရားဝင် ခန့်အပ်တာဝန်ပေးလိုက်တယ်လို့ ထုတ်ပြန်ပါတယ်။
ပြည်ထောင်စုလွှတ်တော်ကိုယ်စားပြုကော်မတီ(CRPH)ရဲ့ ပုံမှန်လုပ်ငန်းညှိနှိုင်းအစည်းအဝေးမှာ ဒုတိယဝန်ကြီးသစ် ဦးဌေးငွေဟာ CRPH ရှေ့မှောက်မှာ ကျမ်းသစ္စာကျိန်ဆိုပြီး တာဝန်စတင်ယူခဲ့တာလို့ဆိုပါတယ်။
အဲဒီအစည်းအဝေးကို CRPH ဥက္ကဋ္ဌ ဦးအောင်ကြည်ညွန့်၊ အတွင်းရေးမှူးအဖွဲ့ဝင် ဒေါ်ဖြူဖြူသင်းနဲ့ ကော်မတီဝင်တွေအပြင် ပြည်ထဲရေးဝန်ကြီးဦးလွင်ကိုလတ်တို့လည်း တက်ရောက်ခဲ့ကြပါတယ်။
အစည်းအဝေးမှာ CRPH ဥက္ကဋ္ဌက အဖွင့်အမှာစကားနဲ့ နိဂုံးချုပ်အမှာစကားတွေပြောကြားခဲ့ပြီး ဝန်ကြီးဌာနရဲ့လုပ်ငန်းစဉ်တွေ တိုးမြှင့်ဆောင်ရွက်နိုင်ဖို့ လမ်းညွှန်မှုတွေပြုလုပ်ခဲ့တယ်လို့ ဆိုပါတယ်။
NUG အစိုးရအနေနဲ့ နယ်မြေစိုးမိုးရေးနဲ့ အုပ်ချုပ်ရေးယန္တရားတွေ ပိုမိုခိုင်မာလာစေဖို့အတွက် အခုလိုဝန်ကြီးဌာနတာဝန်ရှိသူတွေကို ဖြည့်စွက်ခန့်အပ်တာ ဖြစ်တယ်လို့လည်းဆိုပါတယ်။
