Border News Agency
မြောက်ဦး၊ဇွန် ၃၀။
အာရက္ခတပ်တော်(AA)ထိန်းချုပ်နယ်မြေတွေမှာ လယ်ယာမြေတွေကို ဥပဒေလုပ်ထုံးလုပ်နည်းတွေနဲ့မညီဘဲ ရောင်းချတာ၊ဝယ်ယူတာ၊အကွက်ရိုက်တာနဲ့ တခြားနည်းလမ်းတွေနဲ့အသုံးပြုတာတွေမလုပ်ကြဖို့ ရက္ခိုင်အမျိုးသားအဖွဲ့ချုပ်(ULA)က ဇွန်လ ၂၉ ရက်နေ့အမိန့်ထုတ်တားမြစ်လိုက်ပါတယ်။
အာရက္ခတပ်တော်ထိန်းချုပ်နယ်မြေတွေမှာ သက်ဆိုင်ရာရဲ့တရားဝင်ခွင့်ပြုချက်မရရှိဘဲ လယ်ယာမြေတွေကို လူနေအိမ်ခြံမြေအဖြစ် ပြောင်းလဲတာ၊စီးပွားရေးလုပ်ငန်းတွေလုပ်ဖို့ အကွက်ရိုက်ရောင်းချတာ၊ဝယ်ယူတာ၊လွှဲပြောင်း တာနဲ့အငှားချတာတွေကို လုံးဝမပြုလု ပ်ကြဖို့တားမြစ်လိုက်တာပါ။
အဲဒီအပြင် လယ်ယာမြေတွေပေါ်မှာ ခွင့်ပြုချက်မပါဘဲမြေဖို့တာ၊လမ်းဖောက်တာ၊ခြံစည်းရိုးခတ်တာနဲ့အဆောက်အအုံဆောက်လုပ်တာမအပါအဝင် မြေအ သုံးချမှုပုံစံပြောင်းလဲစေမယ့် ဘယ်လိုလုပ်ငန်းမျိုးကိုမဆို မဆောင်ရွက်ကြဖို့အမိန့်ထုတ်လိုက်ပါတယ်။
နောက်ပြီးမီဒီယာတွေနဲ့လူမှုကွန်ရက်စာမျက်နှာတွေပေါ်မှာပါ ဥပဒေနဲ့မညီတဲ့ လယ်ယာမြေအရောင်းအဝယ်နဲ့ ရင်းနှီးမြှုပ်နှံမှု ကြော်ငြာတွေကိုလည်း မလုပ်ကြဖို့ တားမြစ်ထားပါတယ်။
အဲဒီအမိန့်ကို ဖောက်ဖျက်ကျူးလွန်ရင် မြေယာဆိုင်ရာဥပဒေတွေအရထိရောက်စွာ အရေးယူသွားမှာဖြစ်ပြီး ဥပဒေမဲ့လုပ်ဆောင်ထားတဲ့ လုပ်ငန်းတွေကို ဖျ က်သိမ်းတာ၊ရပ်ဆိုင်းတာနဲ့တရားစွဲဆိုတာတွေထိ ပြုလုပ်သွားမယ်လို့ဆိုပါတယ်။
အာရက္ခတပ်တော်ထိန်းချုပ်ထားတဲ့မြောက်ဦး-မင်းပြားကားလမ်းဘေးရှိမြေနေရာတချို့ကို ၁၈၉၄ ခုနှစ်၊မြေသိမ်းအက်ဥပဒေအရသိမ်းယူသွားမယ်လို့ အာရက္ခပြည်သူ့တော်လှန်ရေးအ စိုးရထုတ်ပြန်ထားပါတယ်။
အဲဒီမြေတွေအတွက် တဧကကိုကျပ်သိန်းရှစ်ဆယ်လျော်ကြေးပေးမယ်လို့အာရက္ခအစိုးရဆိုပေမယ့်ကာလပေါက်စျေးထက်ပိုမိုနည်းပါးနေတာမို့မြေပိုင်ရှ င်တွေဥပဒေအရတရားဝင်ကန့်ကွက်ထားကြပါတယ်။
