Border News Agency
လောင်းလုံး၊ ဧပြီ ၁၀ ။
ထားဝယ်ခရိုင်၊ လောင်းလုံးမြို့နယ်မှာ DDMSC သပိတ်ကော်မတီဦးဆောင်ပြီး စစ်အာဏာရှင်စနစ်ဆန့်ကျင်ရေး လူထုလှုပ်ရှားမှုကို ဧပြီလ ၁၀ ရက်၊ဒီကနေ့ ညနေပိုင်းက ပြုလုပ်ခဲ့ပါတယ်။
စစ်ကော်မရှင်ရဲ့ အတုအယောင်အစိုးရအဖွဲ့… အလိုမရှိဆိုတဲ့ ခေါင်းစဉ်နဲ့ချီတက်ခဲ့ကြတာဖြစ်ပြီး အသွင်ပြောင်းစစ်ကော်မရှင်အစိုးရကို နိုင်ငံရေးအရ သပိတ်မှောက်ကြောင်းပြသခဲ့ကြတာပါ။
အာဆီယံအပါအဝင် နိုင်ငံတကာအနေနဲ့စစ်ခေါင်းဆောင်ဦးမင်းအောင်လှိုင်ဦးဆောင်တဲ့ အတုအယောင်အစိုးရအဖွဲ့ကို အသိအမှတ်မပြုဖို့လည်း သပိတ်ကော်မတီက တိုက်တွန်းထားပါတယ်။
လောင်းလုံးဒေသခံတွေဟာ တော်လှန်ရေးစတင်ကတည်းက စစ်အာဏာရှင်စနစ်ပျက်သုဉ်းရေးအတွက် အားကောင်းတဲ့သပိတ်စစ်ကြောင်းတွေနဲ့ဒီကနေ့အထိ ဆက်လက်တိုက်ပွဲဝင်နေကြတာဖြစ်ပါတယ်။
အခုလိုလမ်းပေါ်ထွက်ကန့်ကွက်နေတာဟာ စစ်အုပ်ချုပ်ရေးကိုလက်မခံတဲ့ပြည်သူ့ဆန္ဒကို နိုင်ငံတကာကသိရှိစေဖို့ ရည်ရွယ်တာဖြစ်တယ်လို့ သိရပါတယ်။
