Border News Agency
နေပြည်တော်၊ ဧပြီ ၁၈။
နိုင်ငံတော်သစ်တည်ဆောက်ရေးမှာ အနာဂတ်အင်အားသစ်ဖြစ်တဲ့ လူငယ်တွေဟာ ဗလငါးတန်နဲ့ ပြည့်စုံဖို့ လိုအပ်သလို အတတ်ပညာသာမက ဆင်ခြင်တုံတရားရှိတဲ့ အသိပညာပါ ထက်မြက်အောင် ပျိုးထောင်ပေးကြဖို့ သမ္မတတုမင်းအောင်လှိုင်ကပြောပါတယ်။
လူငယ်တွေအနေနဲ့ နိုင်ငံချစ်စိတ်၊ မျိုးချစ်စိတ်တွေနဲ့အတူ နိုင်ငံတော်ကို ကာကွယ်တည်ဆောက်သွားကြဖို့ လိုအပ်ကြောင်းနဲ့ အစိုးရအနေနဲ့လည်း လူငယ်တွေရဲ့ ပညာရေးနဲ့ ကျန်းမာရေးကဏ္ဍတွေကို အစဉ်တစိုက် မြှင့်တင်ပေးသွားမယ်လို့ဆိုပါတယ်။
ဒါပေမယ့် မြေပြင်မှာတော့ အတင်းအဓမ္မပေါ်တာဆွဲတာတွေ၊ စစ်မှုထမ်းတွေအပတ်စဉ်အလိုက် ဆက်တိုက်ခေါ်ယူနေတာကြောင့် ပညာသင်ကြားရမယ့် လူငယ်အများအပြားဟာ စာသင်ခန်းတွေနဲ့ ဝေးကွာပြီး စစ်မြေပြင်တွေဆီ ရောက်ရှိနေကြရပါတယ်။
ဒါဟာ သမ္မတတုပြောဆိုတဲ့ လူငယ်ကဏ္ဍ မြှင့်တင်ရေးနဲ့ လက်တွေ့မြေပြင် အခြေအနေကြားမှာ ကွာဟချက်ကြီးမားနေတာပါ။
စစ်မှုထမ်းဖို့ အတင်းအကျပ် ခေါ်ယူမှုတွေကြောင့် လူငယ်အများစုဟာ ပညာသင်ယူခွင့်ကို စွန့်လွှတ်ပြီး ပြည်ပထွက်ခွာတာ၊ တိမ်းရှောင်နေကြရတာကြောင့် နိုင်ငံအတွက် လိုအပ်တဲ့ လူသားအရင်းအမြစ်တွေ ဆုံးရှုံးနေရတယ်လို့ ပညာရေးအသိုင်းအဝိုင်းက ထောက်ပြနေကြပါတယ်။
