Border News Agency
စစ်ကိုင်း၊ဧပြီ ၂၅။
အာရက္ခတပ်တော် (AA) နဲ့အတူ ရှေ့တန်းတိုက်ပွဲတွေမှာ ပူးပေါင်းတိုက်ပွဲဝင်ခဲ့တဲ့ ကျောင်းသားတော်လှန်ရေးတပ်တော် (SRA)၊ အမှတ် ၅၁၈တပ်ရင်းက ရဲဘော်တွေကို ဂုဏ်ပြုကြိုဆိုခဲ့ကြတယ်လို့ ဧပြီလ ၂၄ ရက်၊ ဒီနေ့ထုတ်ပြန်ပါတယ်။
အဲဒီဂုဏ်ပြုပွဲဟာ မဟာမိတ်တပ်ဖွဲ့တွေနဲ့အတူစစ်မြေပြင်မှာ တာဝန်ကျေပွန်စွာ တိုက်ပွဲဝင်ခဲ့တဲ့ တော်လှန်ရေးရဲဘော်တွေကို အသိအမှတ်ပြုတဲ့အနေနဲ့ စစ်ကိုင်းစစ်ဒေသတာဝန်ရှိသူတွေက စီစဉ်ခဲ့တာပါ။
အမှတ် ၅၁၈ တပ်ရင်းဟာ မဟာမိတ်ဖြစ်တဲ့ အာရက္ခတပ်တော် နဲ့ လက်တွဲပြီး ကပစ ၁၆ အနီးက တိုက်ပွဲတွေမှာ အောင်အောင်မြင်မြင် ပါဝင်တိုက်ခိုက်ခဲ့တဲ့ တပ်ရင်းတခု ဖြစ်ပါတယ်။
အဲဒီအခမ်းအနားမှာ ရှေ့တန်းပြန်ရဲဘော်တွေကို တပ်ရင်းတပ်ဖွဲ့ဝင်တွေက စစ်ရေးအရ ဂုဏ်ပြုကြိုဆိုခဲ့ကြပြီး မဟာမိတ်ညီနောင်တွေနဲ့အတူ တော်လှန်ရေးခရီးကို အဆုံးအထိ ဆက်လက်လျှောက်လှမ်းဖို့ သန္နိဋ္ဌာန်ပြုခဲ့ကြပါတယ်။
အဲဒီကျောင်းသားတော်လှန်ရေးတပ်တော်နဲ့ အာရက္ခတပ်တော်တို့ဟာ စစ်ရေးအရ ပူးပေါင်းဆောင်ရွက်မှု ပိုမိုအားကောင်းလာနေသလို နယ်မြေစိုးမိုးရေးအတွက်လည်း အရှိန်အဟုန်မြှင့် လုပ်ဆောင်နေတယ်လို့ ဆိုပါတယ်။
