Border News Agency
ဓနုဖြူ၊ ဧပြီ ၂၆။
ဧရာဝတီတိုင်း၊ ဓနုဖြူမြို့မဈေးမှာ ဧပြီ လ၂၆ ရက်၊ဒီနေ့မနက် ၆ နာရီကျော်အချိန်ခန့်က မီးလောင်မှုဖြစ်ခဲ့ပါတယ်။
အဲဒီမီးစတင်လောင်ကျွမ်းချိန်မှာ ဒေသခံမီးသတ်စခန်းတွေက မီးသတ်ယာဉ် ၁၄ စီးနဲ့ အမြန်လာရောက်ငြှိမ်းသတ်ခဲ့ကြတယ်လို့ ဒေသခံတွေကဆိုကြပါတယ်။
မီးသတ်တပ်ဖွဲ့နဲ့ ပြည်သူတွေ ဝိုင်းဝန်းလုပ်ဆောင်ခဲ့ကြလို့ မနက် ၇ နာရီခွဲမတိုင်ခင်မှာ မီးရှိန်ထိန်းနိုင်ခဲ့ပြီး ၇ နာရီ ၅၀ မိနစ်မှာတော့ မီးလုံးဝ ငြိမ်းသွားခဲ့ပါတယ်။
ဆိုင်ခန်းဘယ်လောက်ပျက်စီးသွားတယ်ဆိုတာ သက်ဆိုင်ရာက စစ်ဆေးနေတုန်းဖြစ်ပါတယ်။
မီးဘေးသင့်သွားတဲ့ ဈေးသူဈေးသားတွေအတွက်လိုအပ်တဲ့ ကူညီထောက်ပံ့မှုတွေကိုတော့ ဒေသခံတွေဝိုင်းဝန်းဆောင်ရွက်ပေးနေကြပါတယ်။
