Border News Agency
မြောက်ဦး၊ ဧပြီ ၂၉။
အာရက္ခဒေသအတွင်း နေရာကျဲကျဲ မိုးထစ်ချုန်းရွာနိုင်တယ်လို့ ဧပြီလ ၂၇ ရက်ကနေမေလ ၃ ရက်နေ့အထိ တပတ်စာ မိုးလေဝသခန့်မှန်းချက်အရ သိရပါတယ်။
အရှေ့ဘက်နဲ့ အနောက်ဘက်က လာတဲ့ လေပွေလှိုင်းအရှိန်တွေကြောင့် ခုလို မိုးရွာသွန်းမှုတွေ ရှိလာနိုင်တာ ဖြစ်ပါတယ်။
မိုးရွာသွန်းမှုနဲ့အတူ ဒေသအလိုက် နေ့အပူချိန်တွေလည်း ဆက်လက်မြင့်တက်နေဦးမှာပါ။
အထူးသဖြင့် နေ့လည်ပိုင်းနဲ့ ညနေပိုင်းအချိန်တွေမှာ အပူရှိန်ကြောင့် မိုးတိမ်တောင်တွေ ဖြစ်ပေါ်တတ်ပြီး လေပြင်းတိုက်ခတ်တာ၊မိုးသီးကြွေတာနဲ့ မိုးကြိုးပစ်တာမျိုးတွေ ဖြစ်ပေါ်နိုင်လို့ အာရက္ခဒေသခံတွေအနေနဲ့ အထူးသတိပြုကြဖို့ လိုအပ်ပါတယ်။
ဘင်္ဂလားပင်လယ်အော် အခြေအနေမှာတော့ အလယ်ပိုင်းမှာ သာယာနိုင်ပေမယ့် ကျန်ပင်လယ်ပြင်နဲ့ ကပ္ပလီပင်လယ်ပြင်တို့မှာ တိမ်အသင့်အတင့်ကနေ တိမ်ထူထပ်နိုင်ပါတယ်။
ဒါကြောင့် အာရက္ခကမ်းရိုးတန်းတလျှောက် ငါးဖမ်းလှေတွေနဲ့ ရေကြောင်းခရီးသွားလာသူတွေအနေနဲ့ မိုးလေဝသအခြေအနေကို ဂရုစိုက်စောင့်ကြည့်သင့်ပါတယ်။
အာရက္ခဒေသအပြင် အိမ်နီးချင်း ချင်းပြည်နယ်နဲ့ စစ်ကိုင်းတိုင်းတို့မှာတော့ နေရာအနှံ့အပြား မိုးရွာနိုင်တယ်လို့ ခန့်မှန်းထားပါတယ်။
အဲဒီမကွေး၊ ပဲခူးနဲ့ တနင်္သာရီတိုင်းတို့မှာလည်း နေရာကျဲကျဲ မိုးရွာနိုင်ပြီး ကျန်တိုင်းနဲ့ ပြည်နယ်အချို့မှာတော့ အများအားဖြင့် သာယာနေဦးမှာ ဖြစ်ပါတယ်။
ဒေသခံပြည်သူတွေအနေနဲ့ ရုတ်တရက်ဖြစ်ပေါ်လာနိုင်တဲ့ လေပြင်းဘေးနဲ့ မိုးကြိုးဘေးအန္တရာယ်တွေကို ကြိုတင်ကာကွယ်ထားကြဖို့ တိုက်တွန်းထားပါတယ်။
နေ့အပူချိန် မြင့်မားနိုင်တာကြောင့်လည်း ကျန်းမာရေးအတွက် အပူဒဏ်ကို အထူးဂရုစိုက်ကြဖို့ သိရပါတယ်။
