​Border News Agency
အီရန်၊ ဧပြီ ၂၉။

​အီရန်နိုင်ငံဟာ လက်ရှိမှာ ပြိုလဲလုနီးပါးအခြေအနေကို ရောက်ရှိနေပြီး ပိတ်ထားတဲ့ ဟော်မုဇ်ရေလက်ကြားကို ပြန်ဖွင့်ဖို့အတွက် ကြိုးပမ်နေတယ်လို့ အမေရိကန်သမ္မတ ဒေါ်နယ်ထရမ့်က သူရဲ့ Truth Social လူမှုကွန်ရက်စာမျက်နှာမှာ ဧပြီလ ၂၈ ရက်၊ မနေ့ကရေးသားလိုက်ပါတယ်။

​နှစ်နိုင်ငံကြား တင်းမာမှုတွေ ဆက်ရှိနေစဉ်မှာပဲ အီရန်ဘက်ကအကျပ်အတည်းတွေနဲ့ ရင်ဆိုင်နေရတာကြောင့် အခုလို ရေလမ်းကြောင်း ပြန်ဖွင့်ဖို့ ကမ်းလှမ်းလာတာလို့ ထရမ့်က ဆိုပါတယ်။

ဒါဟာ အမေရိကန်ရဲ့ ဖိအားပေးမှုတွေကြောင့် အီရန်အစိုးရ အားနည်းလာတာကို ပြသနေတာလို့လည်း သူက သုံးသပ်ထားပါတယ်။

​လတ်တလောမှာတော့ အမေရိကန်နဲ့ အီရန်ကြား စစ်ရေး၊သံတမန်ရေးအရ အားပြိုင်မှုတွေ ပြင်းထန်နေဆဲဖြစ်ပြီး ဟော်မုဇ်ရေလက်ကြား အခြေအနေဟာ ကမ္ဘာ့ရေနံဈေးကွက်အတွက် အရေးပါတဲ့ အချက်အချာဖြစ်နေပါတယ်။

ထရမ့်ရဲ့ ဒီပြောကြားချက်အပေါ် အီရန်ဘက်ကတော့ တစုံတရာ တုံ့ပြန်တာမျိုး မရှိသေးပါဘူး။