Border News Agency
ပခုက္ကူ၊ ဧပြီ ၂၉။
မကွေးဒေသ၊ပခုက္ကူမြို့နယ်မှာ စစ်ကော်မရှင်တပ်သား ၅ ဦး လက်နက်တွေနဲ့အတူ အလင်းဝင်လာခဲ့တယ်လို့ PDF ပခုက္ကူခရိုင် အမှတ် ၈ တပ်ရင်းမှ ဧပြီလ ၂၉ ရက်၊ ဒီနေ့ ထုတ်ပြန်ပါတယ်။
အဲဒီပခုက္ကူမြို့နယ်အခြေစိုက်စစ်ကောမရှင်တပ်ရဲ့ တပ်မ ၁၀၁ မှ တပ်သား ၅ ဦးဟာ ဧပြီလ ၁၄ ရက်နေ့မှာ လက်နက်တွေနဲ့အတူ အလင်းဝင်လာခဲ့တာလို့ ဆိုပါတယ်။
အဲဒီအလင်းဝင်တပ်သားတွေနဲ့အတူ Crown ကား ၁ စီး၊ MA-1 ၁လက်၊ MA-2 ၁လက်၊ MA-3 ၂လက်၊ MA-4 ၁လက် ၊ ကျည်ဘောက် ၂၄ ခု၊ ကျည်ဆံ ၈၁၆ တောင့်တို့ကို ယူလာကာဘက်ပြောင်းခိုလှုံခဲ့တာလို့ ဆိုပါတယ်။
အဲဒီအပြင်လက်နက်ခဲယမ်းနဲ့ ကား ၁ စီးအပါယူကာ အလင်းဝင်လာတဲ့ တပ်သား ၅ ဦးကို လုံခြုံစွာ စောင့်ရှောက်ပေးထားပြီးထိုက်တန်တဲ့ ဆုကြေး ချီးမြှင့်ပေးသွားမယ်လို့ ဆိုပါတယ်။
စစ်ကော်မရှင်တပ်ဘက်မှ ပြည်သူ့ရင်ခွင် ခိုလှုံလိုတဲ့ တပ်ဖွဲ့ဝင်တွေကို အမြဲတမ်းကြိုဆိုနေတယ်လို့ PDF ပခုက္ကူခရိုင် အမှတ် ၈ တပ်ရင်းမှအသိပေးထားပါတယ်။
