Border News Agency
မလေးရှား၊ ဧပြီ ၃၀။
မလေးရှားနိုင်ငံရှိမြန်မာအလုပ်သမားတွေ ခွင့်နဲ့ မြန်မာနိုင်ငံကို ပြန်ရင် အလုပ်ရှင်ခွင့်စာတွေကို စိစစ်ပြီး ထောက်ခံစာ ထုတ်ပေးတာကို မေလ ၁ ရက်နေ့ကစပြီး ဆောင်ရွက်ပေးမယ်လို့ ကွာလာလမ်ပူမြို့ရှိ မြန်မာသံရုံးက ဧပြီလ ၂၉ ရက်နေ့မှာထုတ်ပြန်ပါတယ်။
အဲဒီလို လျှောက်ထားရာမှာ နိုင်ငံကူးလက်မှတ် (Passport)၊ OWIC ကတ်၊အလုပ်လုပ်ခွင့်ပါမစ်၊မှတ်ပုံတင်မိတ္တူတို့အပြင် ခွင့်ကာလ ဖော်ပြထားတဲ့ အလုပ်ရှင်ခွင့်စာ မူရင်းတို့ လိုအပ်မှာ ဖြစ်ပါတယ်။
အလုပ်သမားတွေအနေနဲ့ မြန်မာနိုင်ငံကို ပြန်မယ့်ရက်မတိုင်မီ၁၀ ရက် ကြိုတင်လျှောက်ထားရမှာပါ။
အဲဒီထောက်ခံစာအတွက် QR လျှောက်ထားဖို့ မလိုဘဲသံရုံးကောင်တာ ၃၁ မှာ ကိုယ်တိုင်လာရောက်လျှောက်ထားနိုင်ပါတယ်။
စိစစ်ပြီးစီးတဲ့ ထောက်ခံစာရရှိသူ အမည်စာရင်းနဲ့ ထုတ်ယူရမယ့်ရက်တွေကိုတော့ မြန်မာသံရုံးနဲ့ အလုပ်သမားသံအရာရှိရုံးရဲ့ Facebook စာမျက်နှာတွေမှာ ဖော်ပြပေးသွားမယ်လို့ သိရပါတယ်။
