Border News Agency
တနင်္သာရီ၊ မေ ၇။
တနင်္သာရီမြို့နယ်မှာ အာဏာသိမ်း စစ်တပ်ရဲ့ ခမရ-၅၆၁မှ တပ်သားနှစ်ဦး PDFတွေဆီ အလင်းဝင်လာတယ်လို့ တနင်္သာရီတိုင်းစစ်ဌာန_ပြန်ကြားရေးမှ မေလ ၇ရက်၊ ဒီနေ့ထုတ်ပြန်ပါတယ်။
တနင်္သာရီမြို့နယ်၊ ညောင်ပင်ကွင်းအနောက်ကမ်းရွာမှာတပ်စွဲထားတဲ့ ခမရ-၅၆၁မှ တပ်သားနှစ်ဦးဟာ မေလ ၆ရက်၊မနေ့က လက်နက်နဲ့အတူအလင်းဝင်လာခဲ့တာလို့ ဆိုပါတယ်။
အဲဒီအလင်းဝင်ရောက်လာသူတွေမှာ အသက်၄၆နှစ်အရွယ်တပ်ကြပ်ကြီး မင်းမင်းစိုး၊ ကိုယ်ပိုင်အမှတ်- တ/၁၃၇၅၇၈ နဲ့ အသက် ၃၄နှစ် အရွယ်တပ်သား ကျော်မင်းသူ၊ ကိုယ်ပိုင်အမှတ်- တ/၁၂၄၁၂၁တို့ ဖြစ်တယ်လို့ဆိုပါတယ်။
သူတို့နှစ်ဦးတဲ့အတူ MA-11 တလက်၊ ကျည်ဘောက်၇ ခု၊ ၅.၅၆ ကျည် ၂၄၄တောင့်၊ MA-1 တလက်တို့ကိုယူဆောင်လာပြီး အလင်းဝင်လာခဲ့တာပါ။
တော်လှန်ရေးကာလအတွင်း အာဏာသိမ်းစစ်တပ်လက်အောက်ခံ စစ်တပ် ခမရ- ၅၆၁တပ်ရင်းမှ အရာရှိတွေအပါအဝင် တပ်ဖွဲ့ဝင် ၂၀ကျော်အလင်းဝင်ရောက်လာခဲ့တယ်လို့ ဆိုပါတယ်။
